Viral video: ಪ್ರಾಣಪಣಕ್ಕಿಟ್ಟು ನಾಯಿಯನ್ನು ಕಾಪಾಡಿದ ವ್ಯಕ್ತಿ, ಮೈನವಿರೇಳಿಸುತ್ತೆ ಈ ದೃಶ್ಯ

Viral video: ಸಹಾನುಭೂತಿ ಮತ್ತು ಇತರರನ್ನು ಉಳಿಸುವ ಬಯಕೆಯಂತಹ ಭಾವನೆಗಳ ಬಗ್ಗೆ ಯೋಚಿಸಿದಾಗ, ನಾವು ಸಾಮಾನ್ಯವಾಗಿ ಸೂಪರ್‌ ಹೀರೋಗಳ ಬಗ್ಗೆ ಮಾತ್ರ ಯೋಚಿಸುತ್ತೇವೆ. ಆದರೆ ಕೆಲವು ವ್ಯಕ್ತಿಗಳು ಸಹ ಇಂತಹ ಸಾಹಸಗಳನ್ನು ಪ್ರದರ್ಶಿಸುತ್ತಾರೆ. ತಮ್ಮ ಪ್ರಾಣಪಣಕ್ಕಿಟ್ಟು ಮತ್ತೊಂದು ಜೀವವನ್ನು ಉಳಿಸುತ್ತಾರೆ. ಇಂತಹದೊಂದು ವಿಡಿಯೋ ಇದೀಗ ಸಾಮಾಜಿಕ ಮಾಧ್ಯಮಗಳಲ್ಲಿ ಸಖತ್‌ ವೈರಲ್‌ ಆಗಿದೆ. ತನ್ನ ಜೀವವನ್ನೂ ಲೆಕ್ಕಿಸದೇ ವ್ಯಕ್ತಿಯೊಬ್ಬರು ಶ್ವಾನದ ಪ್ರಾಣ ಉಳಿಸಿದ್ದಾರೆ. 

ಇದನ್ನೂ ಓದಿ : Viral Video : ಚಲಿಸುವ ಬೈಕ್‌ ಮೇಲೆ ಪ್ರೇಮಿಗಳ ರೊಮ್ಯಾನ್ಸ್‌! ಮೋಹದಲ್ಲಿ ಮೈಮರೆತವರ ಸ್ಥಿತಿ ಏನಾಯ್ತು ನೋಡಿ

ನಾಯಿಯನ್ನು ರಕ್ಷಿಸಲು ವ್ಯಕ್ತಿಯೊಬ್ಬರು ಹಗ್ಗವನ್ನು ಹಿಡಿದುಕೊಂಡು ಇಳಿಜಾರಿನ ಗೋಡೆಯ ಮೇಲೆ ಇಳಿಯುತ್ತಿರುವುದನ್ನುವೈರಲ್ ವಿಡಿಯೋದಲ್ಲಿ ಕಾಣಬಹುದು. ಸಹಾಯಕ್ಕಾಗಿ ನಾಯಿಯು ಕೂಗುತ್ತಿರುವುದನ್ನು ಸಹ ನಾವು ಕೇಳಬಹುದು. ನಾಯಿಯನ್ನು ಉಳಿಸಲು ಮನುಷ್ಯನು ತನ್ನ ಪ್ರಾಣವನ್ನೇ ಅಪಾಯಕ್ಕೆ ಸಿಲುಕಿಸುತ್ತಾನೆ. ಅಗತ್ಯವಿದ್ದರೆ ಅವನಿಗೆ ಸಹಾಯ ಮಾಡಲು ಇತರರು ಸಿದ್ಧರಿದ್ದರು. ಆದರೆ ಆತನ ಧೈರ್ಯ ಇಲ್ಲಿ ಮೆಚ್ಚುವಂಥದ್ದು. ಹಗ್ಗದ ಸಹಾಯದಿಂದ, ಸುರಕ್ಷಿತವಾಗಿ ನಾಯಿಯನ್ನು ಮರಳಿ ತರುತ್ತಾರೆ. 

View this post on Instagram

A post shared by Rohit Yadav (@rohyadav6127)

ಕೆಲವು ದಿನಗಳ ಹಿಂದೆ ಶೇರ್‌ ಮಾಡಲಾದ ಈ ವೀಡಿಯೊ ಈಗಾಗಲೇ 4.1 ದಶಲಕ್ಷಕ್ಕೂ ಹೆಚ್ಚು ವೀಕ್ಷಣೆಗಳನ್ನು ಪಡೆದಿದೆ. ನಾಯಿಯನ್ನು ರಕ್ಷಿಸಿದ್ದಕ್ಕಾಗಿ ಜನರು ಈ ವ್ಯಕ್ತಿಗೆ ಧನ್ಯವಾದ ಅರ್ಪಿಸಿದ್ದಾರೆ. ಬಡ ನಾಯಿ ಎಷ್ಟು ಹೆದರುತ್ತಿದೆ ಎಂದು ಹಲವರು ಯೋಚಿಸಿದ್ದಾರೆ. ನೆಟಿಜನ್‌ಗಳು ವ್ಯಕ್ತಿಯ ಕಾರ್ಯವನ್ನು ಶ್ಲಾಘಿಸಿದ್ದಾರೆ. ನೀರಿನಲ್ಲಿ ಸಿಲುಕಿ ಪ್ರಾಣ ಕಳೆದುಕೊಳ್ಳುವ ಪರಿಸ್ಥಿತಿ ತಲುಪಿದ್ದ ನಾಯಿಯನ್ನು ಈ ವ್ಯಕ್ತಿ ರಕ್ಷಿಸುವ ದೃಶ್ಯ ಮೈನವಿರೇಳಿಸುತ್ತದೆ. ಸದ್ಯ ಎಲ್ಲೆಡೆ ಈ ವಿಡಿಯೋ ವೈರಲ್‌ ಆಗಿದೆ.