Viral Video : 10 ಅಡಿ ಉದ್ದದ ಹೆಬ್ಬಾವಿಗೆ ರಸ್ತೆ ದಾಟಿಸಿದ ಯುವಕ....ಹೇಗೆ ಅಂತೀರಾ? ವಿಡಿಯೋ ನೋಡಿ!

Snake Crossing Road : ಸೋಷಿಯಲ್‌ ಮಿಡಿಯಾದಲ್ಲಿ ಎಲ್ಲವೂ ವೈರಲ್‌ ಆಗುವುದಿಲ್ಲ. ಕೆಲವೊಂದು ವಿಡಿಯೋ ಅಥವಾ ಪೋಸ್ಟ್‌ಗಳು ಮಾತ್ರ ವೈರಲ್‌ ಆಗುತ್ತಿರುತ್ತವೆ. ಇದೀಗ ಅದೇ ರೀತಿಯ ಒಂದು ವಿಡಿಯೋ ವೈರಲ್‌ ಆಗಿದೆ. 

ಹೌದು ಮಧ್ಯಪ್ರದೇಶದ ನರ್ಮಧಪುರಂನಲ್ಲಿ ಯುವಕನೊಬ್ಬ 10 ಅಡಿ ಉದ್ದದ ಹಾವನ್ನು ಹೆದ್ದಾರಿ ದಾಟಲು ಸಹಾಯ ಮಾಡುತ್ತಿರುವ ವಿಡಿಯೋವನ್ನು ಸೆರೆಹಿಡಿಯಲಾಗಿದೆ. ಅದರಲ್ಲಿ ಹಾವು ರಸ್ತೆ ದಾಟಲು ಸಾಧ್ಯವಾಗಲಿಲ್ಲ. ಇದರಿಂದ ಹಾವು ರಸ್ತೆ ದಾಟುವಾಗ ಅಲ್ಲಿನ ಸಂಚಾರ ಸ್ಥಗಿತವಾಗಿದೆ. 

ಹೆದ್ದಾರಿಯಲ್ಲಿ ಸುಮಾರು 10 ನಿಮಿಷಗಳ ಕಾಲ ಚಲಿಸುತ್ತಿರುವ ಹಾವು ಪ್ರಯಾಣಿಕರಲ್ಲಿ ಭಯ ಮೂಡಿಸಿದೆ. ಜನಸಂದಣಿಯಿಂದಾಗಿ ರಸ್ತೆಯಲ್ಲಿ ಟ್ರಾಫಿಕ್ ಜಾಮ್ ಉಂಟಾಗಿತ್ತು. ಕೆಲ ದಾರಿಹೋಕರು ಹಾವಿನ ವಿಡಿಯೋ ತೆಗೆದಿದ್ದಾರೆ. 

ವೀಡಿಯೋದಲ್ಲಿ ಹೆಬ್ಬಾವು ನಿಧಾನವಾಗಿ ರಸ್ತೆಯುದ್ದಕ್ಕೂ ಸಾಗುತ್ತಿದೆ. ಮತ್ತೊಂದೆಡೆ ಸಣ್ಣಗೆ ಮಳೆ ಸುರಿಯುತ್ತಿದೆ. ಹೆಬ್ಬಾವು ರಸ್ತೆ ದಾಟುಲು ಸಹಾಯವಾಗುವಂತೆ ಯುವಕನೊಬ್ಬ ಚಪ್ಪಾಳೆ ತಟ್ಟುತ್ತಾನೆ. ಅವನ ಚಪ್ಪಾಳೆ ಕೇಳಿ ಹಾವು ನಿಧಾನವಾಗಿ ರಸ್ತೆ ದಾಟುತ್ತದೆ. ವಿಡಿಯೋ ನೋಡಿದ ಹಲವು ನೆಟ್ಟಿಗರು ಯುವಕರು ಜವಾಬ್ದಾರಿಯುತವಾಗಿ ನಡೆದುಕೊಂಡಿದ್ದಾರೆ ಎಂದು ಹೊಗಳುತ್ತಿದ್ದಾರೆ.