Viral Video: ಮನೆಯ ಫ್ಯಾನ್‌‌ನಲ್ಲಿ ಕಾಣಿಸಿಕೊಂಡ ಬುಸ್‌ ಬುಸ್‌ ನಾಗಪ್ಪ!

ಹಾಸನ: ಮನೆಯ ಫ್ಯಾನ್‌‌ನಲ್ಲಿ ನಾಗರಹಾವು ಕಾಣಿಸಿಕೊಂಡಿರುವ ಘಟನೆ ಹಾಸನ ಜಿಲ್ಲೆಯ ಸಕಲೇಶಪುರ ಪಟ್ಟಣದ ಹಳೇ ಸಂತವೇರಿ ಬಡಾವಣೆಯಲ್ಲಿ ನಡೆದಿದೆ. ಫ್ಯಾನ್‌ನಲ್ಲಿ ಸುರಳಿ ಸುತ್ತಿಕೊಂಡು ಹೆಡೆ ಎತ್ತಿ ಕುಳಿತುಕೊಂಡಿದ್ದ ನಾಗರಹಾವು ಭಯ ಹುಟ್ಟಿಸಿದೆ. 

ಬುಸ್‌ ಬುಸ್‌ ಎಂದು ಶಬ್ಧ ಮಾಡುತ್ತಿದ್ದ ನಾಗರಹಾವು ಕಂಡು ಮನೆ ಮಂದಿ ಬೆಚ್ಚಿಬಿದ್ದಿದ್ದಾರೆ. ಸಂತವೇರಿ ಬಡಾಣೆಯಲ್ಲಿರುವ ಮನೆಯೊಂದರ ಅಟ್ಟದ ಮೇಲೆ ನಾಗರಹಾವು ಅಡಗಿ ಕುಳಿತಿತ್ತು. ಹಾವು ಕಂಡು ಭಯಭೀತರಾದ ಮನೆ ಮಂದಿ ಕಿರುಚಾಡುತ್ತಿದ್ದಂತೆಯೇ ಅದು ಫ್ಯಾನ್‌ ಏರಿ ಕುಳಿತುಕೊಂಡಿದೆ. 

ಇದನ್ನೂ ಓದಿ: Rapido Free Ride : ಜೂನ್ 1 ರಂದು Rapido ಮೂಲಕ ಉಚಿತ ರೈಡ್ ಪಡೆಯಬೇಕೇ ? ಈ ಕೋಡ್ ಬಳಸಿ!

View this post on Instagram

A post shared by ZEE Kannada News (@zeekannadanews)

ಫ್ಯಾನ್ ಆನ್ ಮಾಡಿದ ಕೂಡಲೇ ಹಾವು ಹೆಡೆ ಎತ್ತಿ ಬುಸುಗುಟ್ಟಿದೆ. ನಂತರ ಮನೆಯ ಮಾಲೀಕರು ಉರುಗ ತಜ್ಞ ದಸ್ತಗೀರ್‌ಗೆ ಕರೆ ಮಾಡಿ ವಿಷಯ ತಿಳಿಸಿದ್ದಾರೆ. ಕೂಡಲೇ ಸ್ಥಳಕ್ಕೆ ಆಗಮಿಸಿದ ಅವರು ನಾಗರಹಾವನ್ನು ಸುರಕ್ಷಿತವಾಗಿ ಹಿಡಿದು ದೋಣಿಗಾಲ್‌ ಅರಣ್ಯಕ್ಕೆ ಬಿಟ್ಟಿದ್ದಾರೆ. 

ಮನೆಯಲ್ಲಿ ಕಾಣಿಸಿಕೊಂಡ ಬುಸ್‌ ಬುಸ್‌ ನಾಗಪ್ಪನನ್ನು ಕಂಡು ಬೆಚ್ಚಿಬಿದ್ದಿದ್ದ ಮನೆಮಂದಿ ನಿಟ್ಟುಸಿರು ಬಿಡುವಂತಾಗಿದೆ. ಫ್ಯಾನ್‌ನಲ್ಲಿ ಸುರಳಿ ಸುತ್ತಿ ಹೆಡೆ ಎತ್ತಿಕೊಂಡು ಕುಳಿತುಕೊಂಡಿದ್ದ ಈ ಹಾವಿನ ವಿಡಿಯೋ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಕೂಡ ಆಗುತ್ತಿದೆ. ಈ ಹಾವು ಕಂಡು ಅನೇಕರು ಕೈಮುಗಿದರೆ, ಇನ್ನೂ ಅನೇಕರು ನಾಗರಹಾವು ಹೊಡೆಯಬೇಡಿ, ಅದು ಕಾಣಿಸಿಕೊಂಡ ತಕ್ಷಣ ಉರುಗ ತಜ್ಞರಿಗೆ ತಿಳಿಸಿ ರಕ್ಷಿಸಿ ಎಂದು ಮನವಿ ಮಾಡಿಕೊಂಡಿದ್ದಾರೆ.

ಇದನ್ನೂ ಓದಿ: ಈ ಕೋಣೆಯಲ್ಲಿ ಕಿರೀಟವೊಂದಿದೆ.. 8 ಸೆಕೆಂಡುಗಳಲ್ಲಿ ಪತ್ತೆಹಚ್ಚಿದ್ರೆ ನೀವೇ ಜಾಣರು! ನಿಮ್ಮ ಕಣ್ಣುಗಳು ಸೂಕ್ಷ್ಮವಾಗಿದೆ ಎಂದರ್ಥ