Viral Video: ರಕ್ಷಿಸಲು ಹೋದವನಿಗೆ ಹೆಡೆ ಎತ್ತಿ ಬುಸ್‌.. ಬುಸ್‌... ಎಂದು ಬುಸುಗುಟ್ಟಿದ ಕಾಳಿಂಗ ಸರ್ಪ..!

King cobra Viral Video: ಹಾವು ತುಂಬಾ ಅಪಾಯಕಾರಿ ಜೀವಿ. ಹಾವು ಕಂಡ್ರೆ ಸಾಕು ಜನರು ಮಾರುದ್ದ ಓಡಿ ಹೋಗುತ್ತಾರೆ. ಕಾಳಿಂಗ ಸರ್ಪವನ್ನು ಕಂಡ್ರೆ ಅನೇಕರಿಗೆ ಮಾತೇ ಬರುವುದಿಲ್ಲ. ಸೋಷಿಯಲ್‌ ಮೀಡಿಯಾದಲ್ಲಿ ಪ್ರತಿದಿನವೂ ಅನೇಕ ಹಾವುಗಳ ವಿಡಿಯೋಗಳು ವೈರಲ್‌ ಆಗುತ್ತಿರುತ್ತವೆ. ಇದೀಗ ಮತ್ತೊಂದು ಕಿಂಗ್‌ ಕೋಬ್ರಾದ ವಿಡಿಯೋ ಸಖತ್‌ ಸೌಂಡ್‌ ಮಾಡುತ್ತಿದೆ. 

ಕಾಳಿಂಗ ಸರ್ಪವೊಂದು ಏಕಾಏಕಿ ಮನೆಗೆ ನುಗ್ಗಿದೆ. ಮಾರುದ್ದ ಹಾವನ್ನು ಕಂಡ ಮನೆಯವರು ಜೀವಭಯದಿಂದ ಹೊರಗಡೆ ಓಡಿದ್ದಾರೆ. ಕೂಡಲೇ ಉರಗ ರಕ್ಷರಿಗೆ ಕರೆ ಮಾಡಿ ವಿಷಯ ತಿಳಿಸಿದ್ದಾರೆ. ಸ್ಥಳಕ್ಕೆ ಬಂದ ಉರಗ ರಕ್ಷಕರೊಬ್ಬರು ಅದನ್ನು ಹಿಡಿಯಲು ಪ್ರಯತ್ನಿಸಿದ್ದಾರೆ. ಸುಮಾರು 9 ಅಡಿ ಉದ್ದದ ಘಟಸರ್ಪ ಬುಸ್..‌ ಬುಸ್‌... ಅಂತಾ ತನ್ನ ಹೆಡೆಯನ್ನು ಎತ್ತಿ ಬುಸುಗುಟ್ಟಿದೆ. ಈ ದೃಶ್ಯವನ್ನು ಸ್ಥಳೀಯರು ತಮ್ಮ ಮೊಬೈಲ್‌ನಲ್ಲಿ ಸೆರೆ ಹಿಡಿದುಕೊಂಡಿದ್ದಾರೆ. 

ಇದನ್ನೂ ಓದಿ: ಚಳಿಗಾಲ ಬರುವ ಮೊದಲು ಈಗಲೇ ಈ ಸಿದ್ಧತೆಗಳನ್ನು ಮಾಡಿಕೊಳ್ಳಿ, ನಂತರ ಯಾವುದೇ ವ್ಯಥೆ ಪಡಬೇಕಾಗಿಲ್ಲ

ವೈರಲ್‌ ಆಗಿರುವ ವಿಡಿಯೋದಲ್ಲಿ ಮನೆಗೆ ನುಗ್ಗಿದ ಕಾಳಿಂಗ ಸರ್ಪವನ್ನು ಉರಗ ತಜ್ಞರೊಬ್ಬರು ರಕ್ಷಿಸಲು ಮುಂದಾಗಿರುವುದನ್ನು ಕಾಣಬಹುದು. ಅವರು ಮೊದಲಿಗೆ ಕಾಳಿಂಗ ಸರ್ಪದ ಬಾಲವನ್ನು ಹಿಡಿದು ಹೊರಗೆ ಎಳೆಯಲು ಪ್ರಯತ್ನಿಸಿದ್ದಾರೆ. ಈ ವೇಳೆ ದಿಢೀರ್‌ ಅಂತಾ ಹೊರಗಡೆ ಬಂದ ಕಾಳಿಂಗ ಸರ್ಪವು ತನ್ನ ಹೆಡೆಯನ್ನು ಎತ್ತಿ ಬುಸುಗಿಟ್ಟಿದೆ. ಹೆಡೆ ಎತ್ತಿ ನಿಂತ ಕಾಳಿಂಗ ಸರ್ಪ ಕೊಂಚ ಹೊತ್ತು ಬುಸ್..‌ ಬುಸ್‌.. ಅಂತಾ ಬುಸುಗುಟ್ಟಿದೆ.