Viral Video: ಬೃಹತ್ ಗಾತ್ರದ ಹೆಬ್ಬಾವಿನ ಜೊತೆಗೆ ಮಗುವಿನ ಚೆಲ್ಲಾಟ..!

ನವದೆಹಲಿ: ಇಂಟರ್ನೆಟ್‍ನಲ್ಲಿ ಪ್ರತಿದಿನ ಚಿತ್ರ-ವಿಚಿತ್ರ ವಿಡಿಯೋಗಳು ಕಾಣಸಿಗುತ್ತವೆ. ಈ ಪೈಕಿ ಕೆಲವು ವಿಡಿಯೋಗಳು ಅಚ್ಚರಿ ಮೂಡಿಸುವ ಜೊತೆಗೆ ನೋಡುಗರನ್ನೇ ಬೆಚ್ಚಿಬೀಳಿಸುತ್ತವೆ. ಕೆಲವು ವಿಡಿಯೋಗಳನ್ನು ನೋಡಿ ಜನರು ಆಘಾತಕ್ಕೀಡಾಗುತ್ತಾರೆ. ಕೆಲವು ವಿಡಿಯೋಗಳು ನೋಡಲು ನಂಬಲಾಗದ ಹಾಗೂ ಭಯಾನಕವಾಗಿರುತ್ತವೆ. ಇದಕ್ಕೆ ನಿದರ್ಶನವೆಂಬಂತೆ ಮತ್ತೊಂದು ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗುತ್ತಿದೆ.

ವೈರಲ್ ಆಗಿರುವ ಈ ವಿಡಿಯೋದಲ್ಲಿ ಚಿಕ್ಕ ಮಗುವೊಂದು ಬೃಹತ್ ಗಾತ್ರದ ಹೆಬ್ಬಾವಿನ ಮೇಲೆ ಕುಳಿತು ಆಟವಾಡುತ್ತಿದೆ. ಈ ದೃಶ್ಯ ನೋಡಿದ್ರೆ ನಿಮಗೆ ಗಾಬರಿಯಾಗೋದು ಗ್ಯಾರಂಟಿ. ಯಾಕೆಂದರೆ ಚಿಕ್ಕ ಮಗುವೊಂದು ಯಾವುದೇ ರೀತಿಯ ಭಯವಿಲ್ಲದ ಭಾರೀ ಗಾತ್ರದ ಹೆಬ್ಬಾವಿನೊಂದಿಗೆ ಚೆಲ್ಲಾಟವಾಡುತ್ತಿದೆ. ಹಾವು ಕಂಡರೆ ಮಾರುದ್ದ ದೂರ ಓಡುವ ಜನರ ನಡುವೆ ಈ ಚಿಕ್ಕಮಗು ದೊಡ್ಡ ಗಾತ್ರದ ಪೈಥಾನ್ ಜೊತೆಗೆ ಆಟವಾಡುತ್ತಿರುವುದು ಕಂಡರೆ ನಿಮಗೂ ಒಂದುಕ್ಷಣ ಭಯವಾಗುತ್ತದೆ.  

ಇದನ್ನೂ ಓದಿ: ಕೆಂಪೇಗೌಡ ಏರ್‌ಪೋರ್ಟ್‌ಗೆ ಯುನೆಸ್ಕೋದ ಪ್ರಿಕ್ಸ್ ವರ್ಸೈಲ್ಸ್‌ನಿಂದ ಪ್ರಶಂಸೆ: ಬೆಂಗಳೂರಿಗರಿಗೆ ಅಭಿನಂದಿಸಿದ ಪ್ರಧಾನಿ!

View this post on Instagram

A post shared by RBEmpire Tv📺 (@rbempire_tv)

ಈ ವಿಡಿಯೋ ಎಷ್ಟು ಅಚ್ಚರಿ ಮೂಡಿಸುತ್ತದೋ ಅಷ್ಟೇ ಭಯ ಸಹ ಉಂಟು ಮಾಡುತ್ತದೆ. rbempire_tv ಎಂಬ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಈ ವಿಡಿಯೋವನ್ನು ಹಂಚಿಕೊಳ್ಳಲಾಗಿದೆ. ‘Are u kidding me right now’ ಎಂದು ವಿಡಿಯೋಗೆ ಕ್ಯಾಪ್ಶನ್ ನೀಡಲಾಗಿದೆ. ಈ ವಿಡಿಯೋದಲ್ಲಿ ಮನೆಯ ಅಂಗಳದಲ್ಲಿ ಮಗುವೊಂದು ಭಾರೀ ಉದ್ದ ಮತ್ತು ದಪ್ಪವಿರುವ ಹೆಬ್ಬಾವಿನ ಜೊತೆಗೆ ಆಟವಾಡುತ್ತಿದೆ. ಹಾವು ಬೇರೆಡೆ ಹೋಗಲು ಪ್ರಯತ್ನಿಸಿದರೆ ಆ ಮಗು ಅದನ್ನು ಹಿಡಿದು ತನ್ನತ್ತ ಎಳೆಯುತ್ತದೆ. ‘ಹೇ.. ಎಲ್ಲಿ ಹೋಗ್ತೀಯಾ ಇರು.. ನನ್ನ ಜೊತೆಗೆ ಆಟವಾಡು..’ ಅನ್ನೋ ರೀತಿ ಮದುವೆ ಆ ಹೆಬ್ಬಾವಿನ ಜೊತೆಗೆ ಆಟವಾಡಿದೆ.

ಯಾವುದೇ ಭಯವಿಲ್ಲದೆ  ಮಗು ಹಾವಿನ ಮೇಲೆ ಕುಳಿತುಕೊಂಡಿರುವುದನ್ನು ಕಂಡ ನೆಟಿಜನ್‍ಗಳು ಅಚ್ಚರಿ ವ್ಯಕ್ತಪಡಿಸಿದ್ದಾರೆ. ಕೆಲವೇ ಸೆಕೆಂಡುಗಳಿರುವ ಈ ವಿಡಿಯೋವನ್ನು ಲಕ್ಷಾಂತರ ಜನರು ವೀಕ್ಷಿಸಿದ್ದಾರೆ. ಅನೇಕರು ಮಗುವಿನ ಧೈರ್ಯಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿ ಕಾಮೆಂಟ್ ಮಾಡಿದ್ದಾರೆ. ಇನ್ನೂ ಕೆಲವರು ಈ ರೀತಿ ಹಾವಿನೊಂದಿಗೆ ಮಗುವನ್ನು ಬಿಟ್ಟಿರುವ ಪೋಷಕರ ವಿರುದ್ಧ ಕಿಡಿಕಾರಿದ್ದಾರೆ.

ಇದನ್ನೂ ಓದಿ: ಸೀತೆ ತವರು ನೇಪಾಳದಿಂದ ಅಯೋಧ್ಯೆಗೆ ಬರುತ್ತಿದೆ ಈ ವಸ್ತು: ರಾಮ ಪ್ರಾಣಪತಿಷ್ಠೆ ವೇಳೆ ಅರ್ಪಣೆಯಾಗಲಿದೆ ಉಡುಗೊರೆ