Mohammed Shami ಈ ವಿಡಿಯೋ ಭಾರಿ ವೈರಲ್ ಆಗುತ್ತಿದೆ! ಕಾರಣ ಗೊತ್ತಾಗಬೇಕೆ? Viral Video ನೋಡಿ!

ಬೆಂಗಳೂರು: ಟೀಂ ಇಂಡಿಯಾದ ಸ್ಟಾರ್ ಕ್ರಿಕೆಟಿಗ ಮೊಹಮ್ಮದ್ ಶಮಿ ಒಂದಲ್ಲ ಒಂದು ಕಾರಣಕ್ಕೆ ಹೆಡ್‌ಲೈನ್ಸ್‌ನಲ್ಲಿ ಇರುತ್ತಾರೆ, ಆದರೆ ಇತ್ತೀಚೆಗೆ ಅವರು ಬೇರೆ ಯಾವುದೋ ಕಾರಣಕ್ಕಾಗಿ ಸಾಮಾಜಿಕ ಮಾಧ್ಯಮದಲ್ಲಿ ಚರ್ಚೆಯ ವಿಷಯವಾಗಿದ್ದಾರೆ. ಇದರ ಹಿಂದಿನ ಕಾರಣವೇನೆಂದರೆ, ಅವರ ತದ್ರೂಪಿ, ಅವರ ಈ ತದ್ರೂಪಿಯನ್ನು ನೋಡಿ ಮೊಹಮ್ಮದ್ ಶಮಿ ಅವರ ಅಭಿಮಾನಿಗಳು ಕೂಡ ಸಾಕಷ್ಟು ಗೊಂದಲಕ್ಕೊಳಗಾಗಿದ್ದಾರೆ. ಮೊಹಮ್ಮದ್ ಶಮಿಯ ಈ ತದ್ರೂಪಿಯಾ ವೀಡಿಯೋ ಅಂತರ್ಜಾಲದಲ್ಲಿ ವೈರಲ್ ಆಗಿದ್ದು, ನೋಡಿ ನಿಮಗೂ ಕೂಡ ಅಚ್ಚರಿಯಾಗಬಹುದು. (Viral News In Kannada)

ಈ ವೀಡಿಯೊವನ್ನು ಸಾಮಾಜಿಕ ಮಾಧ್ಯಮ ಪ್ಲಾಟ್‌ಫಾರ್ಮ್ ಎಕ್ಸ್‌ನಲ್ಲಿ  @RVCJ_FB ಹೆಸರಿನ ಖಾತೆಯೊಂದಿಗೆ ಹಂಚಿಕೊಳ್ಳಲಾಗಿದೆ, ಇದನ್ನು ಜನರು ನೋಡಿ ಆಶ್ಚರ್ಯಚಕಿತರಾಗಿದ್ದಾರೆ. ಕೇವಲ 14 ಸೆಕೆಂಡುಗಳ ಈ ವೀಡಿಯೊದಲ್ಲಿ, ಮೊಹಮ್ಮದ್ ಶಮಿಯ ತದ್ರೂಪಿ ವ್ಯಕ್ತಿ ಬೂದು ಬಣ್ಣದ ಜಾಕೆಟ್ ಮತ್ತು ಟೋಪಿಯನ್ನು ಧರಿಸಿದ್ದಾರೆ. ಈ ವಿಡಿಯೋ ನಾಗ್ಪುರದ್ದು ಎಂದು ಹೇಳಲಾಗುತ್ತಿದೆ. ವಿಡಿಯೋದಲ್ಲಿ ಕಾಣಿಸಿಕೊಂಡಿರುವ ವ್ಯಕ್ತಿ ಸ್ವತಃ ಮೊಹಮ್ಮದ್ ಶಮಿಯ ಅಭಿಮಾನಿ. ವೀಡಿಯೊ ಮಾಡುವ ವ್ಯಕ್ತಿಯು ಮೊಹಮ್ಮದ್ ಶಮಿಯ ಬೌಲಿಂಗ್ ಆಕ್ಷನ್ ಅನ್ನು ಒಮ್ಮೆ ತೋರಿಸಲು ಮೊಹಮ್ಮದ್ ಶಮಿಯ ತದ್ರೂಪಿ ವ್ಯಕ್ತಿಗೆ ವಿನಂತಿಸುತ್ತಾನೆ, ನಂತರ ಶಮಿಯ ಲುಕ್‌ಲೈಕ್ ವ್ಯಕ್ತಿ ಆತನ ವಿನಂತಿಗೆ ಮನ್ನಣೆ ಸೂಚಿಸುವ ರೂಪದಲ್ಲಿ ಬೌಲಿಂಗ್ ಆಕ್ಷನ್ ಮಾಡುತ್ತಾರೆ. ಈ ವೀಡಿಯೋವನ್ನು ಸಾಕಷ್ಟು ಮಂದಿ ವೀಕ್ಷಿಸುತ್ತಿದ್ದಾರೆ ಮತ್ತು ಇಷ್ಟಪಟ್ಟಿದ್ದಾರೆ.

ಜನರ ಪ್ರತಿಕ್ರಿಯೆ ಹೇಗಿದೆ?
ವಿಡಿಯೋ ನೋಡಿದ ಬಳಕೆದಾರರು ಹಲವು ಪ್ರತಿಕ್ರಿಯೆಗಳನ್ನು ನೀಡುತ್ತಿದ್ದಾರೆ. ಈ ಕುರಿತು ಪ್ರತಿಕ್ರಿಯೆ ನೀಡಿದ ಓರ್ವ ಬಳಕೆದಾರ, ಅವರ ಸಹೋದರ ಈಗಾಗಲೇ ಅವರಂತೆಯೇ ಕಾಣುತ್ತಾನೆ ಎಂದು ಭಾವಿಸಿದ್ದೆವು, ಆದರೆ ಇಲ್ಲಿ ಇನ್ನೊಬ್ಬರು ಇದ್ದಾರೆ ಎಂದಿದ್ದಾರೆ. ಎರಡನೇ ಬಳಕೆದಾರ 'ವಿಚ್ಛೇದನದ ಪ್ರಕರಣ ಇವರ ಮೇಲೆ ವರ್ಗಾಯಿಸಿ' ಎಂದಿದ್ದಾನೆ, ಮೂರನೇ ಬಳಕೆದಾರರು 'ಅವರಿಂದ ಬೌಲಿಂಗ್ ಮಾಡಿಸಿ ಆಗ ಒಪ್ಪಿಕೊಳ್ಳುವೆವು' ಎಂದಿದ್ದಾರೆ. ಇತ್ತೀಚೆಗಷ್ಟೇ ಮೊಹಮ್ಮದ್ ಶಮಿ ಅವರಿಗೆ ರಾಷ್ಟ್ರಪತಿಗಳಿಂದ ಅರ್ಜುನ ಪ್ರಶಸ್ತಿ ನೀಡಿ ಗೌರವಿಸಿರುವುದು ನಮ್ಮೆಲ್ಲರಿಗೂ ಗೊತ್ತೇ ಇದೆ. ಇದಲ್ಲದೆ ಶಮಿ, ಮರುದಿನವೇ ತಮ್ಮ ತಾಯಿಗಾಗಿ ಬರೆದ ಭಾವನಾತ್ಮಕ ಪೋಸ್ಟ್‌ನಿಂದ ಸಾಮಾಜಿಕ ಜಾಲತಾಣಗಳಲ್ಲಿ ಸುದ್ದಿಯಾಗಿದ್ದರು.

ವೈರಲ್ ವಿಡಿಯೋ ಇಲ್ಲಿದೆ