Viral Video: ಅನಕ್ಷರಸ್ಥ ರಾಜಕಾರಣಿಗಳಿಗೆ ಮತ ಹಾಕಬೇಡಿ; ಅನಾಕಾಡೆಮಿ ಶಿಕ್ಷಕನ ವಿಡಿಯೋ ವೈರಲ್!

ನವದೆಹಲಿ: ಹೆಸರು ಬದಲಾಯಿಸುವ ಅನಕ್ಷರಸ್ಥ ರಾಜಕಾರಣಿಗಳಿಗೆ ಮತ ನೀಡಬೇಡಿ ಎಂದು ಆನ್‍ಲೈನ್ ತರಗತಿಯಲ್ಲಿ ವಿದ್ಯಾರ್ಥಿಗಳಿಗೆ ಅನಾಕಾಡೆಮಿ ಶಿಕ್ಷಕ ಸಲಹೆ ನೀಡಿದ್ದಾನೆ. ಇದೀಗ ಈ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗಿದೆ.

ಹೌದು, ಅನಾಕಾಡೆಮಿ ಶಿಕ್ಷಕನೊಬ್ಬ ತನ್ನ ವಿದ್ಯಾರ್ಥಿಗಳಿಗೆ ಸಲಹೆ ನೀಡಿರುವ ವಿಡಿಯೋ ಸಖತ್ ಸೌಂಡ್ ಮಾಡುತ್ತಿದೆ. ಈ ವಿಡಿಯೋದಲ್ಲಿ ಶಿಕ್ಷಕ, ‘ವಿದ್ಯಾರ್ಥಿಗಳಿಗೆ ಗಮನವಿಟ್ಟು ಕೇಳಿ, ಮುಂದಿನ ಬಾರಿ ನೀವು ಮತ ​​ಚಲಾಯಿಸುವಾಗ ನೆನಪಿಸಿಕೊಳ್ಳಿ, ಅನಕ್ಷರಸ್ಥ ರಾಜಕಾರಣಿಗಳ ಬದಲು ಅಕ್ಷರಸ್ಥರನ್ನು ಆಯ್ಕೆ ಮಾಡಿ. ಇದರಿಂದ ನೀವು ಮತ್ತೆ ಈ ಪರಿಸ್ಥಿತಿಯನ್ನು  ಎದುರಿಸಬಾರದು. ವಿಷಯಗಳನ್ನು ಅರ್ಥಮಾಡಿಕೊಳ್ಳುವ ವ್ಯಕ್ತಿಗೆ ಮತ ನೀಡಿದರೆ ಉತ್ತಮ. ಹೀಗಾಗಿ ನಿಮ್ಮ ನಿರ್ಧಾರಗಳನ್ನು ಸರಿಯಾಗಿ ಮಾಡಿ’ ಎಂದು ಸಲಹೆ ನೀಡಿದ್ದಾರೆ.

ಇದನ್ನೂ ಓದಿ: B.Ed ಪದವೀಧರರು ‘ಪ್ರಾಥಮಿಕ ಶಾಲಾ ಶಿಕ್ಷಕ’ರ ಹುದ್ದೆಗೆ ಅರ್ಹರಲ್ಲ: ‘ಸುಪ್ರೀಂ’ ಮಹತ್ವದ ತೀರ್ಪು

ಈ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆದ ಬಳಿಕ ಪರ-ವಿರೋಧ ವ್ಯಕ್ತವಾಗಿದೆ. BALA ಹೆಸರಿನ ಟ್ವಿಟರ್ ಖಾತೆಯಲ್ಲಿ ಹಂಚಿಕೊಂಡಿರುವ ಈ ವಿಡಿಯೋವನ್ನು ಲಕ್ಷಾಂತರ ಜನರು ವೀಕ್ಷಿಸಿದ್ದಾರೆ. ಸಾವಿರಾರು ಜನರು ಈ ವಿಡಿಯೋವನ್ನು ಲೈಕ್ ಮಾಡಿದ್ದು, ಅನೇಕರ ವಿವಿಧ ರೀತಿಯಲ್ಲಿ ಕಾಮೆಂಟ್ ಸಹ ಮಾಡಿದ್ದಾರೆ.

ಇನ್ನು ಕೆಲವರು ‘ಅನಾಕಾಡೆಮಿಯಿಂದ ಪ್ರಧಾನಿ ಮೋದಿ ವಿರೋಧಿ ಅಜೆಂಡಾ ದ್ವೇಷವನ್ನು ಶಿಕ್ಷಣದ ಹೆಸರಿನಲ್ಲಿ ನೀಡಲಾಗುತ್ತಿದೆ. ಅನಾಕಾಡೆಮಿಯ ಶಿಕ್ಷಕ ಕರಣ್ ಸಾಂಗ್ವಾನ್ ಅವರು ಪ್ರಧಾನಿ ಮೋದಿಯನ್ನು ಅನಕ್ಷರಸ್ಥರೆಂದು ಪರೋಕ್ಷವಾಗಿ ಕರೆದಿದ್ದು, ಅವರಿಗೆ ಮತ ಚಲಾಯಿಸಬೇಡಿ ಎಂದು ಹೇಳಿದ್ದಾರೆ. ನಿಮಗೆ ಪ್ರಧಾನಿ ಮೋದಿ ಇಷ್ಟವಿಲ್ಲದಿದ್ದರೆ ಅವರನ್ನು ವಿರೋಧಿಸಿ. ಆದರೆ ಶಿಕ್ಷಣದ ನೆಪದಲ್ಲಿ ನಿಮ್ಮ ಕಾರ್ಯಸೂಚಿಯನ್ನು ಕಾರ್ಯಗತಗೊಳಿಸಬೇಡಿ ಎಂದು ಹೇಳಿದ್ದಾರೆ.