Emotional Release Website: ವಾರಕೊಮ್ಮೆ ಕಣ್ಣೀರು ಸುರಿಸಿ ಭಾವೆನೆಗಳನ್ನು ಹೊರಹಾಕಬೇಕೆ? ಅಳಲು ಈ ವೈಬ್‌ಸೈಟ್‌ ಬಳಸಿ!

Viral Emotional Release Platform: ಪ್ರತಿಯೊಬ್ಬರ ಜೀವನದಲ್ಲಿ ಭಾವನೆಗಳು ಪ್ರಮುಖ ಅಂಶಗಳಲ್ಲಿ ಒಂದಾಗಿದ್ದು, ಮಾನವನ ನಡವಳಿಕೆಯ ಮೇಲೆ ಪ್ರಭಾವ ಬೀರುವಲ್ಲಿ ಅವು ಪ್ರಮುಖ ಪಾತ್ರವಹಿಸುತ್ತವೆ. ಸಂತೋಷ ಮತ್ತು ದುಃಖ, ಉತ್ಸಾಹ ಮತ್ತು ನಿರಾಶೆ, ಪ್ರೀತಿ ಮತ್ತು ಭಯ, ಭರವಸೆ ಮತ್ತು ನಿರಾಶೆಯಂತಹ ಭಾವನೆಗಳಿಲ್ಲದೆ ಜೀವನವು ಸಾಕಷ್ಟು ಮಂದವಾಗಿದೆ ಎಂದು ಪರಿಗಣಿಸಲಾಗುತ್ತದೆ. ಜನರು ತಮ್ಮ ಜೀವನದ ವಿವಿಧ ಹಂತಗಳಲ್ಲಿ ವಿವಿಧ ರೀತಿಯ ಭಾವನೆಗಳನ್ನು ಅನುಭವಿಸುತ್ತಿದ್ದು, ಇಂತಹ ಸಮಯದಲ್ಲಿ ಅಳುವ ಸಾಧ್ಯತೆಗಳಿರುತ್ತವೆ. 

ಅಳುವುದು ಎಲ್ಲಾ ವಯಸ್ಸಿನವರಿಗೆ ಸಾಮಾನ್ಯವಾದ ವಿಷಯವಾಗಿದ್ದು, ವಿಶೇಷವಾಗಿ ವಯಸ್ಕರು  ಸಾರ್ವಜನಿಕವಾಗಿ ಅಳಬಾರದು ಎಂದು ಅಂದುಕೊಳ್ಳುತ್ತಾರೆ. ಇದು ಅವರಲ್ಲಿ ಬಹಳಷ್ಟು ಸುಪ್ತ ಭಾವನೆಗಳಿಗೆ ಕಾರಣವಾಗುತ್ತಿದ್ದು, ಇದೀಗ ವಾರಕ್ಕೊಮ್ಮೆ ಅಳಲು ಮತ್ತು ಭಾವನೆಗಳನ್ನು ವ್ಯಕ್ತಪಡಿಸಲು ಅನುಮತಿಸುವ ವೆಬ್‌ಸೈಟ್‌ವೊಂದು ಉಪಕ್ರಮವನ್ನು ಪ್ರಾರಂಭಿಸಲಾಗಿದೆ. ವರದಿಗಳ ಪ್ರಕಾರ, cryonceaweek.com ಹೆಸರಿನ ವೆಬ್‌ಸೈಟ್ ಅನ್ನು ರಚಿಸಲಾಗಿದೆ, ಅದರ ಬಳಕೆದಾರರಿಗೆ ಅಳುವ ಮೂಲಕ ತಮ್ಮನ್ನು ತಾವು ವ್ಯಕ್ತಪಡಿಸಲು ಅನುವು ಮಾಡಿಕೊಡುತ್ತದೆ. ದೊಡ್ಡವರೂ ವಾರಕ್ಕೊಮ್ಮೆ ಅಳುವುದರಿಂದ ಯಾವುದೇ ಹಾನಿಯಾಗುವುದಿಲ್ಲ ಎಂದು ಸಂಶೋಧನೆಯಿಂದ ತಿಳಿದುಬಂದಿದೆ. 

ಇದನ್ನೂ ಓದಿ: ಕಪ್ಪು ಮತ್ತು ದಪ್ಪ ಹುಬ್ಬುಗಳು ಬೇಕೇ..? ಈ ಸಲಹೆಗಳನ್ನು ಅನುಸರಿಸಿ

ಕಣ್ಣಿರು ಹಾಕುವುದರಿಂದ ಹಾನಿಕಾರಕವಲ್ಲ ಎಂದು ಪರಿಗಣಿಸಲಾಗಿದ್ದು, ಬದಲಿಗೆ ಜನರು ತಮ್ಮ ಅಡಕವಾಗಿರುವ ಭಾವನೆಗಳನ್ನು ವ್ಯಕ್ತಪಡಿಸಲು ಸಹಾಯ ಮಾಡುತ್ತದೆ. ಅಳುವುದು ಮತ್ಸರದಂತೆ ಕೆಲಸ ಮಾಡುತ್ತದೆ. ಈ ವೆಬ್‌ಸೈಟ್‌ನಲ್ಲಿ, ವಿಶೇಷ ವೀಡಿಯೊವನ್ನು ವೀಕ್ಷಿಸಲು ಜನರನ್ನು ಆಹ್ವಾನಿಸಲಾಗುತ್ತಿದ್ದು, ವೇಬ್‌ಸೈಟ್‌ ಬಳಕೆದಾರರನ್ನು ಭಾವನಾತ್ಮಕವಾಗಲು ಮತ್ತು ಅಳಲು ಸಹಾಯ ಮಾಡುತ್ತದೆ. ವೆಬ್‌ಸೈಟ್ ಜನರು ಅಳುವಂತೆ ಮಾಡುವ ವಿವಿಧ ಪ್ರಕಾರಗಳ ಇಂತಹ ಅನೇಕ ಭಾವನಾತ್ಮಕ ವೀಡಿಯೊಗಳನ್ನು ಹೊಂದಿದೆ. ಇದಲ್ಲದೆ, 2018 ರಲ್ಲಿ ದಿ ಇಂಡಿಪೆಂಡೆಂಟ್‌ನಲ್ಲಿ ಒಂದು ಲೇಖನವನ್ನು ಸಹ ಪ್ರಕಟಿಸಲಾಗಿದ್ದು, ಅದರಲ್ಲಿ ಜನರು  ಕಣ್ಣೀರು ಹಾಕುವಂತ ಸಿನಿಮಾಗಳನ್ನು ಮತ್ತು ವೀಡಿಯೊಗಳನ್ನು ನೋಡುವುದರಿಂದ ಮಾನಸಿಕ ಆರೋಗ್ಯಕ್ಕೆ ಪ್ರಯೋಜನಕಾರಿ. ಇದು ಒತ್ತಡವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ ಎಂದು ಹೇಳಲಾಗಿದೆ.

ಅಂತರ್ಜಾಲದಲ್ಲಿನ ವಿವಿಧ ವರದಿಗಳ ಪ್ರಕಾರ, ನಿದ್ದೆ ಅಥವಾ ನಗುವುದಕ್ಕಿಂತ ಅಳುವುದು ಉತ್ತಮ ಒತ್ತಡ ನಿವಾರಣೆ ಎಂದು ಪರಿಗಣಿಸಲಾಗಿದೆ. ನೋವಿನ ಹಾಡುಗಳನ್ನು ಕೇಳುವುದು, ಅಳುವಂತೆ ಮಾಡುವ ಚಿತ್ರಗಳನ್ನು ನೋಡುವುದು ಅಥವಾ ದುಃಖದ ಪುಸ್ತಕಗಳನ್ನು ಓದುವುದು ಮೆದುಳಿನ ಪ್ಯಾರಾಸಿಂಪಥೆಟಿಕ್ ನರವನ್ನು ಸಕ್ರಿಯಗೊಳಿಸುತ್ತದೆ. ಇದು ಹೃದಯ ಬಡಿತವನ್ನು ನಿಧಾನಗೊಳಿಸುತ್ತದೆ ಮತ್ತು ಮೆದುಳಿನ ಮೇಲೆ ಹಿತವಾದ ಪರಿಣಾಮವನ್ನು ಉಂಟುಮಾಡುತ್ತದೆ. ವಯಸ್ಕರಿಗೆ ಅಳುವುದನ್ನು ಸಾಮಾನ್ಯಗೊಳಿಸಲು, ಈ ವೆಬ್‌ಸೈಟ್ ಜನರನ್ನು ತಮ್ಮ ವೆಬ್‌ಸೈಟ್‌ಗೆ ಭೇಟಿ ನೀಡಿ ವಾರಕ್ಕೊಮ್ಮೆ ಅಳಲು ಜನರನ್ನು ಆಹ್ವಾನಿಸುತ್ತಿದೆ.