ಭೂಮಿಗೆ ಮೊದಲು ಬಂದದ್ದು ಕೋಳಿಯೋ ಅಥವಾ ಮೊಟ್ಟೆಯೋ? ಈ ಪ್ರಶ್ನೆಗೆ ಕೊನೆಗೂ ಉತ್ತರ ಕಂಡುಹಿಡಿದ ವಿಜ್ಞಾನಿಗಳು..!

ಕೋಳಿ ಮೊದಲೋ ಮೊಟ್ಟೆ ಮೊದಲು ಈ ಪ್ರಶ್ನೆಗೆ ಉತ್ತರ ಇಂದಿಗೂ ಕೂಡ ನಿಗೂಢವಾಗಿದೆ, ಬಾಲ್ಯದಿಂದಲೂ ನಾವು ಕೇಳುತ್ತಿರುವ ಪ್ರಶ್ನೆಗೆ ಉತ್ತರ ಕಂಡು ಹಿಡಿಯಲು ಸಾಧ್ಯವಾಗಿಲ್ಲ, ಆದರೆ ಈಗ ಅಂತಿಮವಾಗಿ ವಿಜ್ಞಾನಿಗಳು ಉತ್ತರ ಕಂಡುಕೊಳ್ಳುವಲ್ಲಿ ಯಶಸ್ವಿಯಾಗಿದ್ದಾರೆ.

ಶೆಫೀಲ್ಡ್ ಮತ್ತು ಯುನೈಟೆಡ್ ಕಿಂಗ್‌ಡಮ್‌ನ ವಾರ್ವಿಕ್ ವಿಶ್ವವಿದ್ಯಾಲಯದ ಪ್ರಾಧ್ಯಾಪಕರು ಈ ಪ್ರಶ್ನೆಗೆ ಉತ್ತರವನ್ನು ಕಂಡುಹಿಡಿಯಲು ಸಾಕಷ್ಟು ಸಂಶೋಧನೆಗಳನ್ನು ಮಾಡಿ ಅಂತಿಮವಾಗಿ ಯಶಸ್ಸನ್ನು ಪಡೆದಿದ್ದಾರೆ.ಈ ಉತ್ತರವನ್ನು ನಿಜವೆಂದು ಸಾಬೀತುಪಡಿಸಲು ವಿಜ್ಞಾನಿಗಳು ಅನೇಕ ವಾದಗಳನ್ನು ಸಹ ನೀಡಿದ್ದಾರೆ.

ಇದನ್ನೂ ಓದಿ: ದಿನಾ ಬೆಳಿಗ್ಗೆ ಈ ಒಣಹಣ್ಣಿನ ರಸ ಕುಡಿಯೋದಕ್ಕೆ ಇಷ್ಟೊಂದು ಫಿಟ್ ಆಗಿದ್ದಾರಂತೆ ವಿರಾಟ್ ಕೊಹ್ಲಿ! ಸಣ್ಣ ಆಗೋಕೆ ಪರದಾಡೋರಿಗೆ ಸ್ವತಃ ಅವರೇ ಹೇಳಿದ ಟಿಪ್ಸ್ ಇದು

ಈ ವಿಜ್ಞಾನಿಗಳ ವಾದದಂತೆ ಜಗತ್ತಿಗೆ ಮೊದಲು ಕೋಳಿ ಮತ್ತು ನಂತರ ಮೊಟ್ಟೆ ಬಂದಿದೆ ಎಂದು ತಿಳಿಸಿದ್ದಾರೆ. ಇದಕ್ಕೆ ಪೂರಕ ಎನ್ನುವಂತೆ ಕೋಳಿ ಇಲ್ಲದೆ ಮೊಟ್ಟೆಗಳನ್ನು ಉತ್ಪಾದಿಸಲಾಗುವುದಿಲ್ಲ. ಮೊಟ್ಟೆಯ ಚಿಪ್ಪಿನಲ್ಲಿ ಓವೊಕ್ಲಾಡಿನ್ ಎಂಬ ಪ್ರೊಟೀನ್ ಇದ್ದು, ಇದು ಇಲ್ಲದೆ ಮೊಟ್ಟೆಯ ಚಿಪ್ಪು ರೂಪುಗೊಳ್ಳುವುದಿಲ್ಲ.ಈ ಪ್ರೋಟೀನ್ ಅನ್ನು ಕೋಳಿಯ ಗರ್ಭಾಶಯದಲ್ಲಿ ಮಾತ್ರ ತಯಾರಿಸಲಾಗುತ್ತದೆ. ಆದ್ದರಿಂದ, ಕೋಳಿಯ ಗರ್ಭಾಶಯದ ಈ ಪ್ರೋಟೀನ್ ಅನ್ನು ಮೊಟ್ಟೆಯ ರಚನೆಯಲ್ಲಿ ಬಳಸದಿದ್ದರೆ, ಮೊಟ್ಟೆಯನ್ನು ರೂಪಿಸಲು ಸಾಧ್ಯವಿಲ್ಲ. ಇದರಿಂದ ಜಗತ್ತಿಗೆ ಮೊದಲು ಕೋಳಿ ಬಂದಿದ್ದು, ನಂತರ ಮೊಟ್ಟೆ ಬಂದಿರುವುದು ಸ್ಪಷ್ಟವಾಗಿದೆ.

ಒಂದು ಕೋಳಿ ಈ ಜಗತ್ತಿಗೆ ಬಂದಾಗ, ಅದರ ಗರ್ಭಾಶಯದಲ್ಲಿ ಓವೊಕ್ಲಾಡಿನ್ ಉತ್ಪತ್ತಿಯಾಗುತ್ತದೆ, ಅದರ ನಂತರ ಈ ಪ್ರೋಟೀನ್ ಮೊಟ್ಟೆಯ ಚಿಪ್ಪನ್ನು ತಲುಪಲು ಸಾಧ್ಯವಾಗಿದೆ ಎಂದು ವಿಜ್ಞಾನಿಗಳು ತಮ್ಮ ಸಂಶೋಧನೆಯಲ್ಲಿ ಉಲ್ಲೇಖಿಸಿದ್ದಾರೆ.