Boycott Cadbury: ಕ್ಯಾಡ್ಬರಿ ಚಾಕ್ಲೇಟ್ ಉತ್ಪನ್ನಗಳನ್ನು ಏಕಾಏಕಿ ಬಹಿಷ್ಕರಿಸುತ್ತಿರುವುದೇಕೆ?

ನವದೆಹಲಿ: ಕ್ಯಾಡ್ಬರಿ ಭಾನುವಾರದಂದು ಬಹಿಷ್ಕಾರದ ಪ್ರವೃತ್ತಿಗೆ ಗುರಿಯಾಗಿದೆ, ತಮ್ಮ ಉತ್ಪನ್ನಗಳಲ್ಲಿ ಬಳಸಲಾದ ಜೆಲಾಟಿನ್ ಅನ್ನು ಗೋಮಾಂಸದಿಂದ ಪಡೆಯಲಾಗಿದೆ ಎಂದು ಹೇಳಿಕೊಂಡಿದೆ, ಈ ಹಿನ್ನೆಲೆಯಲ್ಲಿ ಇದು ಹಿಂದೂ ಭಾವನೆಗಳನ್ನು ನೋಯಿಸುತ್ತದೆ ಎಂದು ಬಳಕೆದಾರರು ದೂರಿದ್ದಾರೆ.

ಸಾಮಾನ್ಯವಾಗಿ ನಾವು ಚಲನಚಿತ್ರಗಳು, ಸೆಲೆಬ್ರಿಟಿಗಳು, ಬಟ್ಟೆ ಬ್ರ್ಯಾಂಡ್‌ಗಳು, ಜಾಹೀರಾತುಗಳು ಆಗಾಗ ಭಾವನೆಗಳಿಗೆ ಧಕ್ಕೆಯನ್ನುಂಟು ಮಾದುವುದರಿಂದಾಗಿ ಬಹಿಷ್ಕಾರಕ್ಕೆ ಒಳಪಡುವುದನ್ನು ನಾವು ನೋಡುತ್ತೇವೆ. ಈ ಟ್ರೆಂಡ್ ಈಗ ಆಹಾರ ಮತ್ತು ತಿನಿಸುಗಳಿಗೂ ಕೂಡ ವ್ಯಾಪಿಸಿದೆ.

ಕ್ಯಾಡ್ಬರಿಯ ವೆಬ್‌ಪುಟದ ಸ್ಕ್ರೀನ್‌ಶಾಟ್ ಅನ್ನು ಸಾಮಾಜಿಕ ಮಾಧ್ಯಮದಲ್ಲಿ ವ್ಯಾಪಕವಾಗಿ ಹಂಚಿಕೊಳ್ಳಲಾಗುತ್ತಿದೆ, ಅದು ಅವರ ಉತ್ಪನ್ನಗಳಲ್ಲಿ ಬಳಸಲಾದ ಜೆಲಾಟಿನ್ ಹಲಾಲ್ ಪ್ರಮಾಣೀಕರಿಸಲ್ಪಟ್ಟಿದೆ ಮತ್ತು ಗೋಮಾಂಸದಿಂದ ಪಡೆಯಲಾಗಿದೆ ಎಂದು ಉಲ್ಲೇಖಿಸುತ್ತದೆ ಇದು ವೈರಲ್ ಆದ  ನಂತರ ಬಹಿಷ್ಕಾರದ ಕರೆಗಳು ಹೆಚ್ಚಾಗುತ್ತಿವೆ.