ಆಂಗ್ ಸಾನ್ ಸೂಕಿ ನಿವಾಸದ ಮೇಲೆ ಬಾಂಬ್ ದಾಳಿ

ಯಾಂಗೋನ್: ಮ್ಯಾನ್ಮಾರ್ ದೇಶದ  ಕೌನ್ಸಿಲರ್ ಆಗಿರುವ ಆಂಗ್ ಸಾನ್  ಸೂಕಿ ಅವರ ನಿವಾಸದ ಕಂಪೌಂಡ್ ಬಳಿ ಗುರುವಾರದಂದು ಬೆಳಿಗ್ಗೆ ಪೆಟ್ರೋಲ್ ಬಾಂಬನ್ನು ಎಸೆಯಲಾಗಿದೆ.

ಈ ದಾಳಿಯಲ್ಲಿ  ಯಾವುದೇ ಸಾವು ನೋವು  ಸಂಭವಿಸಿಲ್ಲ ಎಂದು ಚೀನಾದ ಸುದ್ದಿ ಸಂಸ್ಥೆ ಕ್ಸಿನ್ಹುವಾ ಗೆ ನೀಡಿರುವ ಹೇಳಿಕೆಯಲ್ಲಿ ರಾಜ್ಯ ಕೌನ್ಸಿಲರ್ ಕಚೇರಿಯ ನಿರ್ದೇಶಕ-ಜನರಲ್ ಯು ಜಾವ್ ಹೆಟೆ ಸ್ಪಷ್ಟಪಡಿಸಿದ್ದಾರೆ.

ಜಾವ್ ಹೆಟೆಯ ಪ್ರಕಾರ, ದಾಳಿ ನಡೆದ ವೇಳೆಯಲ್ಲಿ ಆಂಗ್ ಸಾನ್ ಸೂಕಿ ನಿವಾಸದಲ್ಲಿರಲಿಲ್ಲ, ಆಗ ಅವರು ಮಯನ್ಮಾರ ರಾಜಧಾನಿ ನಯ್ ಪೈ ಟ್ಯಾವ್ ನಲ್ಲಿದ್ದರು ಎಂದು ವರದಿಯಾಗಿದೆ. ಈವರೆಗೂ ಈ ದಾಳಿಯ ಹಿಂದಿನ ಉದ್ದೇಶ ತಿಳಿದಿಲ್ಲ ಎಂದು ಹೇಳಲಾಗಿದೆ.