ವಧು ದಕ್ಷಿಣೆ ಕೊಟ್ಟು ಮೇಕೆಯನ್ನು ವರಿಸಿದ ಭೂಪ! ಕಾರಣವೇ ವಿಚಿತ್ರ

ಇಂಡೋನೇಷ್ಯಾದಲ್ಲಿ ವ್ಯಕ್ತಿಯೊಬ್ಬ ವಿಚಿತ್ರ ರೀತಿಯಲ್ಲಿ ಮದುವೆಯಾಗಿದ್ದು, ಈ ಸುದ್ದಿ ಎಲ್ಲೆಡೆ ವೈರಲ್‌ ಆಗುತ್ತಿದೆ. ಬೆಂಜೆಂಗ್ ಜಿಲ್ಲೆಯ ಗ್ರೆಸಿಕ್‌ನಲ್ಲಿರುವ ಕ್ಲಾಂಪೋಕ್ ಗ್ರಾಮದಲ್ಲಿ 44 ವರ್ಷದ ಸೈಫುಲ್ ಆರಿಫ್ ಎಂಬುವವರು, ಇದೇ ತಿಂಗಳ ಜೂನ್ 5 ರಂದು ರಹಾಯು ಬಿನ್ ಬೆಜೊ ಎಂಬ ಹೆಣ್ಣು ಮೇಕೆಯ ಜೊತೆ ಮದುವೆಯಾಗಿದ್ದಾನೆ.

ಇದನ್ನೂ ಓದಿ: ಕಾಳಿ ಮಾತೆಯ ಈ ದೇವಾಲಯದಲ್ಲಿ ನೂಡಲ್ಸ್‌ನ್ನು ಪ್ರಸಾದವಾಗಿ ನೀಡ್ತಾರೆ!

ಈ ಮೇಕೆಯನ್ನು ವರಿಸಲು ಈತ 22,000 ರೂಪಾಯಿ ಡೌರಿಯನ್ನು ಪಡೆದಿದ್ದಾನೆ. ವರನ ಡ್ರೆಸ್‌ನಲ್ಲಿ ಸೈಫುಲ್ ಆರಿಫ್ ಇದ್ದರೆ, ಮೇಕೆಯನ್ನು ವಧುವಿನಂತೆಯೇ ಸಿಂಗರಿಸಲಾಗಿದೆ. ಮೇಕೆ ಶಾಲು ಹೊದ್ದುಕೊಂಡಿದ್ದನ್ನು ವೈರಲ್‌ ಆಗುತ್ತಿರುವ ವಿಡಿಯೋದಲ್ಲಿ ಕಾಣಬಹುದು. ಸಾಂಪ್ರದಾಯಿಕ ಜಾವಾನೀಸ್ ವೇಷಭೂಷಣಗಳನ್ನು ಧರಿಸಿದ ಸ್ಥಳೀಯರು ಸಹ ಈ ವಿಚಿತ್ರ ಮದುವೆ ಸಮಾರಂಭದಲ್ಲಿ ಭಾಗಿಯಾಗಿದ್ದಾರೆ.

ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಮಾಡುವ ಉದ್ದೇಶದಿಂದ ಈ ವಿಡಿಯೋವನ್ನು ನಿರ್ಮಿಸಲಾಗಿದೆಯೇ ಹೊರತು, ಯಾರನ್ನೂ ಅಪರಾಧಿ ಮಾಡುವ ಉದ್ದೇಶವನ್ನು ಹೊಂದಿಲ್ಲ ಮತ್ತು ಪ್ರೇಕ್ಷಕರ ಮನರಂಜನೆಗಾಗಿ ರಚಿಸಲಾಗಿದೆ ಎಂದು ಸೈಫುಲ್ ಹೇಳಿಕೆ ನೀಡಿದ್ದಾನೆ.