ರಿಷಿ ಸುನಕ್ - ಅಕ್ಷತಾ ಮೂರ್ತಿ ಲವ್ ಸ್ಟೋರಿ ಎಲ್ಲಿ, ಹೇಗೆ ಶುರುವಾಯ್ತು ಗೊತ್ತಾ?

Rishi Sunak Akshata Murty : G20 ಶೃಂಗಸಭೆಗಾಗಿ ಪ್ರಪಂಚದಾದ್ಯಂತ ಅನೇಕ ದೇಶಗಳ ರಾಷ್ಟ್ರಗಳ ಮುಖ್ಯಸ್ಥರು ಭಾರತಕ್ಕೆ ಬಂದಿದ್ದರು. ಈ ಸಮಯದಲ್ಲಿ, ಬ್ರಿಟಿಷ್ ಪ್ರಧಾನಿ ರಿಷಿ ಸುನಕ್ ಮತ್ತು ಅವರ ಪತ್ನಿ ಅಕ್ಷತಾ ಮೂರ್ತಿ ಅವರ ಬಗ್ಗೆ ಹೆಚ್ಚು ವಿಚಾರಗಳು ಚರ್ಚೆಯಾದವು. ಭಾರತದೊಂದಿಗೆ ವಿಶೇಷ ಸಂಬಂಧ ಹೊಂದಿರುವ ಸುನಕ್ ಮತ್ತು ಅವರ ಪತ್ನಿ ಜಿ 20 ನಲ್ಲಿ ಭಾಗವಹಿಸಲು ಭಾರತಕ್ಕೆ ಬಂದಾಗ, ಅವರ ಬಗ್ಗೆ ಎಲ್ಲೆಡೆ ಚರ್ಚೆಯಾಯಿತು.

ಅಕ್ಷತಾ ಮೂರ್ತಿ ಇನ್ಫೋಸಿಸ್ ಸಂಸ್ಥಾಪಕ ನಾರಾಯಣ ಮೂರ್ತಿ ಮತ್ತು ಸುಧಾ ಮೂರ್ತಿ ಅವರ ಪುತ್ರಿ ಎಂಬುದು ಎಲ್ಲರಿಗೂ ಗೊತ್ತು. ಬ್ರಿಟನ್‌ನ ನೂತನ ಪ್ರಧಾನಿ ಸುನಕ್ ಪಂಜಾಬಿ ಕುಟುಂಬಕ್ಕೆ ಸೇರಿದವರು. ರಿಷಿ ಸುನಕ್ ಮತ್ತು ಅಕ್ಷತಾ ಮೂರ್ತಿ ಜೋಡಿ ಕೂಡ ಸಾಕಷ್ಟು ಸುದ್ದಿ ಮಾಡಿದೆ. ಇಬ್ಬರೂ ಅಕ್ಷರಧಾಮ ದೇವಸ್ಥಾನಕ್ಕೆ ಭೇಟಿ ನೀಡಿರುವುದು, ವಿಮಾನದಲ್ಲಿ ಟೈ ಸರಿ ಮಾಡುವ ಚಿತ್ರಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿವೆ. ಜನರು ಗೂಗಲ್‌ನಲ್ಲಿ ಅವರಿಬ್ಬರ ಬಗ್ಗೆ ನಿರಂತರವಾಗಿ ಹುಡುಕುತ್ತಿದ್ದಾರೆ. ಹೀಗಿರುವಾಗ ಇವರಿಬ್ಬರ ಲವ್ ಸ್ಟೋರಿ ಎಲ್ಲಿ ಮತ್ತು ಹೇಗೆ ಶುರುವಾಯಿತು ನಾವು ಹೇಳ್ತಿವಿ ನೋಡಿ.

ಇದನ್ನೂ ಓದಿ: ಚೀನಾವನ್ನು ಒಳಗೊಳ್ಳಲು ಬಯಸುವುದಿಲ್ಲ ಎಂದ ಯುಎಸ್ ಅಧ್ಯಕ್ಷ ಜೊ ಬಿಡೆನ್ 

ಅಕ್ಷತಾ ಇನ್ಫೋಸಿಸ್ ಸಂಸ್ಥಾಪಕ ನಾರಾಯಣ ಮೂರ್ತಿ ಮತ್ತು ಇನ್ಫೋಸಿಸ್ ಫೌಂಡೇಶನ್ ಅಧ್ಯಕ್ಷೆ ಮತ್ತು ಲೇಖಕಿ ಸುಧಾ ಮೂರ್ತಿ ಅವರ ಪುತ್ರಿ. ಅವರು ಕರ್ನಾಟಕದ ಹುಬ್ಬಳ್ಳಿಯಲ್ಲಿ ಜನಿಸಿದರು. ಅವರ ಬಾಲ್ಯ ಸಾಮಾನ್ಯ ಮಕ್ಕಳಂತೆಯೇ ಇತ್ತು. ಅಕ್ಷತಾ ತನ್ನ ಬಾಲ್ಯದಲ್ಲಿ ತನ್ನ ಅಜ್ಜಿಯರೊಂದಿಗೆ ದೀರ್ಘಕಾಲ ವಾಸಿಸುತ್ತಿದ್ದರು. ಅಕ್ಷತಾ ಬೆಂಗಳೂರಿನ ಬಾಲ್ಡ್‌ವಿನ್ ಗರ್ಲ್ಸ್ ಹೈಸ್ಕೂಲ್‌ನಲ್ಲಿ ಓದಿದ್ದಾರೆ. ಅವರು ಕ್ಯಾಲಿಫೋರ್ನಿಯಾದ ಕ್ಲಾರೆಮಾಂಟ್ ಮೆಕೆನ್ನಾ ಕಾಲೇಜಿನಿಂದ ಅರ್ಥಶಾಸ್ತ್ರ ಮತ್ತು ಫ್ರೆಂಚ್‌ನಲ್ಲಿ ಬಿಎ ಮಾಡಿದ್ದಾರೆ. ಇದರ ನಂತರ, ಅವರು ಅದೇ ಫ್ಯಾಶನ್ ಇನ್‌ಸ್ಟಿಟ್ಯೂಟ್ ಆಫ್ ಡಿಸೈನ್ ಮತ್ತು ಮರ್ಚಂಡೈಸಿಂಗ್‌ನಿಂದ ಅಪ್ಯಾರಲ್ ಮ್ಯಾನುಫ್ಯಾಕ್ಚರಿಂಗ್ ಟೆಕ್ನಾಲಜಿಯಲ್ಲಿ ಡಿಪ್ಲೊಮಾ ಮಾಡಿದರು.

ರಿಷಿ ಸುನಕ್ ಭಾರತೀಯ ಮೂಲದ ವೈದ್ಯ ಯಶವೀರ್ ಸುನಕ್ ಮತ್ತು ರಸಾಯನಶಾಸ್ತ್ರಜ್ಞರಾದ ಉಷಾ ಸುನಕ್ ಅವರ ಪುತ್ರ. ಅವರು ಇಂಗ್ಲೆಂಡ್‌ನ ಸೌತಾಂಪ್ಟನ್‌ನಲ್ಲಿ ಜನಿಸಿದರು. ಅವರು ಸ್ಟ್ರೌಡ್ ಶಾಲೆ ಮತ್ತು ವಿಂಚೆಸ್ಟರ್ ಕಾಲೇಜಿನಲ್ಲಿ ತಮ್ಮ ಶಾಲಾ ಶಿಕ್ಷಣವನ್ನು ಪೂರ್ಣಗೊಳಿಸಿದರು. ಅವರು ಆಕ್ಸ್‌ಫರ್ಡ್ ವಿಶ್ವವಿದ್ಯಾಲಯದ ಲಿಂಕನ್ ಕಾಲೇಜಿನಿಂದ ಪದವಿ ಪಡೆದರು. ಇದಾದ ನಂತರ MBA ಮಾಡಲು ಸ್ಟ್ಯಾನ್‌ಫೋರ್ಡ್ ವಿಶ್ವವಿದ್ಯಾಲಯಕ್ಕೆ ಹೋದರು.

ಅಕ್ಷತಾ ಮತ್ತು ರಿಷಿಯ ಮೊದಲ ಭೇಟಿ

ಅಕ್ಷತಾ ಮತ್ತು ರಿಷಿ ಮೊದಲ ಬಾರಿಗೆ ಸ್ಟ್ಯಾನ್‌ಫೋರ್ಡ್ ವಿಶ್ವವಿದ್ಯಾಲಯದಲ್ಲಿ ಭೇಟಿಯಾದರು. ಅಲ್ಲಿ ಇಬ್ಬರೂ ಎಂಬಿಎ ಓದಲು ಬಂದಿದ್ದರು. ಒಮ್ಮೆ ಇಬ್ಬರೂ ಕಾಫಿ ಶಾಪ್‌ನ ಹೊರಗೆ ಒಟ್ಟಿಗೆ ದೀರ್ಘಕಾಲ ಕಳೆದರು, ಅಲ್ಲಿಂದ ಈ ನಂಟು ಆರಂಭವಾಯಿತು. 

ಮಗಳ ಸಂಬಂಧದಿಂದ ತಂದೆಗೆ ಅಸಮಾಧಾನ 

ಅಕ್ಷತಾ ತನ್ನ ತಂದೆ ನಾರಾಯಣ ಮೂರ್ತಿಗೆ ತನ್ನ ಮತ್ತು ರಿಷಿಯ ಬಗ್ಗೆ ಹೇಳಿದಾಗ ಅವರು ಅಸಮಾಧಾನಗೊಂಡರು. ಆದರೆ ರಿಷಿಯನ್ನು ಭೇಟಿಯಾದ ನಂತರ, ಅವರ ಆಲೋಚನೆ ಸಂಪೂರ್ಣವಾಗಿ ಬದಲಾಯಿತು. ನಾರಾಯಣ ಮೂರ್ತಿ ಅವರು ರಿಷಿ ಒಬ್ಬ ಅದ್ಭುತ, ಸುಂದರ ಮತ್ತು ಪ್ರಾಮಾಣಿಕ ಹುಡುಗ ಎಂಬ ಅಭಿಪ್ರಾಯಕ್ಕೆ ಬಂದರು. ಅವರ ಸಂಬಂಧಕ್ಕೆ ಒಪ್ಪಿಕೊಂಡರು.

ಬೆಂಗಳೂರಿನಲ್ಲಿ ನಡೆದ ಮದುವೆ 

3 ವರ್ಷಗಳ ಕಾಲ ಡೇಟಿಂಗ್ ಮಾಡಿದ ನಂತರ, ಅಕ್ಷತಾ ಮತ್ತು ರಿಷಿ ಸುನಕ್ 29 ಆಗಸ್ಟ್ 2009 ರಂದು ವಿವಾಹವಾದರು. ಇಬ್ಬರೂ ಮದುವೆಗೆ ಬೆಂಗಳೂರು ನಗರವನ್ನೇ ಆಯ್ಕೆ ಮಾಡಿಕೊಂಡಿದ್ದರು. ಮದುವೆಯ ಎಲ್ಲಾ ಕಾರ್ಯಕ್ರಮಗಳು ಜಯನಗರ ಸಭಾಂಗಣದಲ್ಲಿ ನಡೆದರೆ, ಆರತಕ್ಷತೆ ಲೀಲಾ ಪ್ಯಾಲೇಸ್‌ನಲ್ಲಿ ನಡೆಯಿತು. ಈ ಜೋಡಿಯ ವಿವಾಹದಲ್ಲಿ ರಾಹುಲ್ ದ್ರಾವಿಡ್, ಅನಿಲ್ ಕುಂಬ್ಳೆ ಸೇರಿದಂತೆ ದೇಶದ ಮತ್ತು ವಿಶ್ವದ ಅನೇಕ ಪ್ರಸಿದ್ಧ ವ್ಯಕ್ತಿಗಳು ಭಾಗವಹಿಸಿದ್ದರು. ಆ ಸಮಯದಲ್ಲಿ ಅವರ ಮದುವೆಯ ಬಗ್ಗೆ ಹೆಚ್ಚು ಚರ್ಚೆಯಾಯಿತು.

ಬ್ರಿಟನ್‌ನ ಅತ್ಯಂತ ಶ್ರೀಮಂತ ಪ್ರಧಾನಿ

ರಿಷಿ ಸುನಕ್ ಅವರು ಬ್ರಿಟನ್‌ನ ಅತ್ಯಂತ ಶ್ರೀಮಂತ ಪ್ರಧಾನಿ. ಸುನಕ್ ದಂಪತಿಗಳ ಒಟ್ಟು ಮೌಲ್ಯ ಸುಮಾರು 800 ಮಿಲಿಯನ್ ಡಾಲರ್ ಅಂದರೆ 6733 ಕೋಟಿ ರೂ. ಸಂಪತ್ತಿನ ವಿಷಯದಲ್ಲಿ ಅಕ್ಷತಾ ಮೂರ್ತಿ ಅವರ ಪತಿ ರಿಷಿ ಸುನಕ್ ಅವರಿಗಿಂತ ಮುಂದಿದ್ದಾರೆ. ಫೋರ್ಬ್ಸ್ ಪ್ರಕಾರ, ಅಕ್ಷತಾ ಮೂರ್ತಿ ಅವರ ನಿವ್ವಳ ಮೌಲ್ಯ ಸುಮಾರು 5943 ಕೋಟಿ ರೂಪಾಯಿಗಳಾಗಿದ್ದರೆ, ರಿಷಿ ಸುನಕ್ ಅವರ ನಿವ್ವಳ ಮೌಲ್ಯ 990 ಕೋಟಿ ರೂಪಾಯಿ.

ಅಕ್ಷತಾ ರಾಣಿ ಎಲಿಜಬೆತ್‌ಗಿಂತ ಶ್ರೀಮಂತೆ

ಅಕ್ಷತಾ ಅವರ ನಿವ್ವಳ ಮೌಲ್ಯವು ರಾಣಿ ಎಲಿಜಬೆತ್‌ಗಿಂತ ಹೆಚ್ಚು. ಫ್ಯಾಶನ್ ಡಿಸೈನಿಂಗ್‌ ಅನ್ನು ಹೊರತುಪಡಿಸಿ, ಅಕ್ಷತಾ ಇನ್ಫೋಸಿಸ್‌ನ 0.91 ಶೇಕಡಾ ಷೇರುಗಳನ್ನು ಹೊಂದಿದ್ದಾರೆ. ಇನ್ಫೋಸಿಸ್‌ನಲ್ಲಿನ ಷೇರುಗಳ ಜೊತೆಗೆ, ಅವರು ಕ್ಯಾಟರ್‌ಮ್ಯಾನ್ ವೆಂಚರ್ಸ್ UK ಅನ್ನು ಸಹ ಹೊಂದಿದ್ದಾರೆ. 

ಇದನ್ನೂ ಓದಿ: ಪಿಎಂ ಮೋದಿ ಅಭಿಮಾನಿ, ಇಸ್ಲಾಂ-ಎಲ್‌ಜಿಬಿಟಿಯ ವಿಮರ್ಶಕ; ಇಟಲಿಯ ಪ್ರಧಾನಿ ಜಾರ್ಜಿಯಾ ಮೆಲೋನಿ ಯಾರು?