ghost of Princess Diana: ಬ್ರಿಟನ್ ಅರಮನೆಯಲ್ಲಿ ಕಂಡಿತು ಪ್ರಿನ್ಸಸ್ ಡಯಾನಾ ಪ್ರೇತಾತ್ಮ! ಆತ್ಮದ ವಿಡಿಯೋ ನೋಡಿ

ಬ್ರಿಟನ್ ರಾಜಮನೆತನದ ಬಗ್ಗೆ ಯಾರಿಗೆ ತಿಳಿದಿಲ್ಲ ಹೇಳಿ! ಈ ಮನೆತನದ ಬಗ್ಗೆ ಅನೇಕರಿಗೆ ಅನೇಕ ವಿಚಾರಗಳು ತಿಳಿದಿಲ್ಲ. ಆದರೆ ಗೌಪ್ಯತೆ ಕಾಪಾಡಬೇಕೆಂದುಕೊಂಡರೂ ಕೆಲವೊಂದು ವಿಚಾರಗಳು ಜನರನ್ನು ಬೆಂಬಿಡದೆ ಕಾಡುವಂತೆ ಮಾಡಿದೆ. ಅದರಲ್ಲಿ ಈಗಿನ ರಾಜನ ಚಾರ್ಲ್ಸ್ III ಅವರ ಮೊದಲ ಪತ್ನಿ ಪ್ರಿನ್ಸಸ್ ಡಯಾನ ಜೊತೆಗಿನ ಸಂಬಂಧ, ಜೀವನ ಮತ್ತು ಆಕೆಯ ಸಾವಿನ ರಹಸ್ಯ. 

ಇದನ್ನೂ ಓದಿ: ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಹತ್ಯೆಗೆ ಯತ್ನ..!

ಇತ್ತೀಚಿಗೆ ರಾಣಿ ಎಲಿಜಬೆತ್ II ರ ಮರಣದ ನಂತರ ಚಾರ್ಲ್ಸ್ III ಬ್ರಿಟನ್ ರಾಜನಾಗಿ ಅಧಿಕಾರ ಸ್ವೀಕಾರ ಮಾಡಿದ್ದಾರೆ. ಇವರ ಮೊದಲ ಪತ್ನಿ ಹೆಸರು ಡಯಾನ. ಇಂದಿಗೂ ಈಕೆಯ ಹೆಸರು ಕೇವಲ ರಾಜಮನೆತನವಲ್ಲದೆ, ಬ್ರಿಟನ್ ದೇಶದ ಜನರು ಕೊಂಡಾಡುವಂತೆ ಮಾಡುತ್ತದೆ. ರಾಜಕುಮಾರಿಯಾಗಿದ್ದರೂ ಸಹ ಸಾಮಾನ್ಯ ಮಹಿಳೆಯಂತೆ ಬದುಕುತ್ತಿದ್ದ ಡಯಾನ ಜನರ ಅಚ್ಚುಮೆಚ್ಚಿನ ವ್ಯಕ್ತಿಯಾಗಿದ್ದರು.

ಆದರೆ ಚಾರ್ಲ್ಸ್ III ಕ್ಯಾಮಿಲಾ (ಚಾರ್ಲ್ಸ್ ಅವರ ಈಗಿನ ಪತ್ನಿ) ಜೊತೆಗೆ ಹೊಂದಿದ್ದ ಅಕ್ರಮ ಸಂಬಂಧ ಡಯಾನ ಜೊತೆಗಿನ ದಾಂಪತ್ಯವನ್ನು ಕೊನೆಯಾಗುವಂತೆ ಮಾಡಿತ್ತು. 1996ರಲ್ಲಿ ಬೇರೆ ಬೇರೆಯಾಗಿ ಜೀವನ ನಡೆಸಲು ಮುಂದಾದ ಡಯಾನ ಮತ್ತು ಚಾರ್ಲ್ಸ್ III ತಮ್ಮ ದಾಂಪತ್ಯ ಜೀವನಕ್ಕೆ ವಿದಾಯ ಹೇಳಿದ್ದರು. ಆದರೆ ಇದಾಗಿ ಒಂದು ವರ್ಷ ಕಳೆಯುದರೊಳಗೆ ಅಂದರೆ 1997ರಲ್ಲಿ ಭೀಕರ ಕಾರ್ ಆಕ್ಸಿಡೆಂಟ್ ನಲ್ಲಿ ಡಯಾನ ಸಾವನ್ನಪ್ಪಿದರು.

ಡಯಾನ ಸಾವಿನ ಸುದ್ದಿ ಕೇಳಿದ ಬ್ರಿಟನ್ ಒಂದು ಬಾರಿ ಶಾಕ್ ಗೆ ಒಳಗಾಗಿತ್ತು. ಅಷ್ಟೇ ಅಲ್ಲದೆ, ಡಯಾನ ವಿವಾಹ ವೈಭವವನ್ನು ಸಂತೋಷದಿಂದ ಕಂಡಿದ್ದ ಬ್ರಿಟನ್, ಆಕೆಯ ಅಂತಿಮ ಸಂಸ್ಕಾರವನ್ನೂ ಸಹ ಕಣ್ಣೀರಿನಿಂದ ಕಂಡಿತ್ತು ಎಂಬುದು ವಿಷಾದ. ಆದರೆ ಡಯಾನಳ ಆತ್ಮ ಇಂದಿಗೂ ಬಕಿಂಗ್ಹ್ಯಾಮ್ ಅರಮನೆಯಲ್ಲಿ ಆಗಾಗ ಕಾಣಿಸಿಕೊಳ್ಳುತ್ತದೆ ಎಂದು ಕೆಲವರು ಹೇಳುತ್ತಾರೆ.

ಆದರೆ ಈ ವಿಡಿಯೋ ಎಷ್ಟರ ಮಟ್ಟಿಗೆ ನಿಜ ಎಂಬುದು ತಿಳಿದಿಲ್ಲ. ಸದ್ಯ ಈ ವಿಡಿಯೋವನ್ನು ಯೂಟ್ಯೂಬ್ ನಲ್ಲಿ ನೋಡಬಹುದು.