ನವದೆಹಲಿ: ಭಾರತದಿಂದ ಸಕ್ಕರೆ ಖರೀದಿಸಲು ಇಂಡೋನೇಷ್ಯಾ ಸಮ್ಮತಿಯನ್ನು ವ್ಯಕ್ತಪಡಿಸಿದೆ. ಆದರೆ ಸಂಸ್ಕರಿಸಿದ ಪಾಮ್ ಎಣ್ಣೆ ಮತ್ತು ಸಕ್ಕರೆಯ ಮೇಲೆ ಕ್ರಮವಾಗಿ 45 ಮತ್ತು 5 ಪ್ರತಿಶತಕ್ಕೆ ಆಮದು ಸುಂಕವನ್ನು ಭಾರತ ತಗ್ಗಿಸುವಂತೆ ಕೋರಿದೆ ಎಂದು ಮೂಲಗಳು ಸೋಮವಾರ ಈ ಮಾಹಿತಿಯನ್ನು ನೀಡಿದೆ. ಭಾರತದಿಂದ ಪ್ರತಿನಿಧಿ ಈ ವಾರ ಇಂಡೋನೇಷ್ಯಾಗೆ ಭೇಟಿ ನೀಡಲಿದ್ದಾರೆ. ಈ ಎರಡು ಸರಕುಗಳ ವ್ಯಾಪಾರದ ಬಗ್ಗೆ ನಿಯೋಗವು ಮಾತುಕತೆ ನಡೆಸುತ್ತದೆ ಎಂದು ಹೇಳಲಾಗಿದೆ.


COMMERCIAL BREAK
SCROLL TO CONTINUE READING

ಮೂಲಗಳ ಪ್ರಕಾರ, ಭಾರತದ ಮಿತಿಮೀರಿದ ಸಕ್ಕರೆ ಉತ್ಪಾದನೆಯನ್ನು ರಫ್ತು ಮಾಡಲು ಚೀನಾ ಮತ್ತು ಇಂಡೋನೇಶಿಯಾ ಸೇರಿದಂತೆ ಹಲವಾರು ದೇಶಗಳೊಂದಿಗೆ ಮಾತುಕತೆ ನಡೆಸುತ್ತಿದೆ. ಇದು ಕಬ್ಬು ಗಿರಣಿಗಳಿಗೆ ರೈತರ ಬಾಕಿ ಮರುಪಾವತಿ ಮಾಡಲು ಸಹಾಯ ಮಾಡುತ್ತದೆ. ಭಾರತವು ವಿಶ್ವದ ಅತಿದೊಡ್ಡ ಸಕ್ಕರೆ ಉತ್ಪಾದಕಾ ರಾಷ್ಟ್ರವಾಗಿದ್ದು, ರಫ್ತಿಗಾಗಿ ಹೆಚ್ಚುವರಿ ಸಕ್ಕರೆ ಲಭ್ಯವಿದೆ. ಮತ್ತೊಂದೆಡೆ ಇಂಡೋನೇಷ್ಯಾ ಖಾದ್ಯ ತೈಲ ವಿಶೇಷವಾಗಿ ಪಾಮ್ ಎಣ್ಣೆಯನ್ನು ಉತ್ಪಾದಿಸುತ್ತದೆ.


ಇಂಡೋನೇಷ್ಯಾದ ಸರ್ಕಾರ ಪಾಮ್ ಆಯಿಲ್ ಮತ್ತು ಸಕ್ಕರೆಯ ಮೇಲೆ ದ್ವಿಪಕ್ಷೀಯ ವ್ಯವಸ್ಥೆಗೆ ವಿರುದ್ಧವಾಗಿಲ್ಲ ಎಂದು ತಿಳಿಸಿದೆ. ಆದರೆ ವ್ಯಾಪಾರ ಮಾಡಲು ಅಸ್ತಿತ್ವದಲ್ಲಿರುವ ಕಾನೂನಿನಲ್ಲಿ ಬದಲಾವಣೆಗಳನ್ನು ಮಾಡಲು ಇದು ಬಹಳ ಸಮಯ ತೆಗೆದುಕೊಳ್ಳುತ್ತದೆ ಎನ್ನಲಾಗಿದೆ.


ಏಷಿಯಾನ್ ಫ್ರೀ ಟ್ರೇಡ್ ಅಗ್ರಿಮೆಂಟ್ (ಎಫ್ಟಿಎ) ಅಡಿಯಲ್ಲಿ ವ್ಯಾಪಾರ ವ್ಯವಸ್ಥೆಗಾಗಿ ಇಂಡೋನೇಷ್ಯಾ ಸೂಚಿಸಿದೆ. ಇದು ಸಂಸ್ಕರಿಸಿದ ಪಾಮ್ ಎಣ್ಣೆ ಮತ್ತು ಸಕ್ಕರೆಯ ಮೇಲೆ ಆಮದು ಸುಂಕವನ್ನು ಕ್ರಮವಾಗಿ 45 ಮತ್ತು 5 ಪ್ರತಿಶತಕ್ಕೆ ಕಡಿಮೆ ಮಾಡುತ್ತದೆ.


ಭಾರತ ಮತ್ತು ಮಲೇಷಿಯಾ ನಡುವಿನ ಮಹಾ ಆರ್ಥಿಕ ಸಹಭಾಗಿತ್ವ ಒಪ್ಪಂದ (ಸಿಇಸಿಎ) ಜನವರಿ ಮುಂದಿನ ವರ್ಷದಿಂದ ಅಸ್ತಿತ್ವದಲ್ಲಿದೆ ಎಂದು ಇಂಡೋನೇಷ್ಯಾ ವಾದಿಸಿದೆ. ಇದರ ಅಡಿಯಲ್ಲಿ, ಭಾರತ-ಏಷಿಯಾನ್ ಎಫ್ಟಿಎ ಅಡಿಯಲ್ಲಿ ಶೇಕಡ 50 ರಷ್ಟು ಸಂಸ್ಕರಿಸಿದ ತೈಲವನ್ನು 45% ಗೆ ಆದ್ಯತೆಯ ಆಮದು ಸುಂಕವನ್ನು ತರುವ ಅವಕಾಶವಿದೆ. ಪ್ರಸ್ತುತ, ಭಾರತ ಸಂಸ್ಕರಿಸಿದ ಪಾಮ್ ಎಣ್ಣೆಯಲ್ಲಿ 54%, ಕಚ್ಚಾ ಪಾಮ್ ಎಣ್ಣೆ 44% ಮತ್ತು ಸಕ್ಕರೆಯ ಮೇಲೆ 100% ಶುಲ್ಕ ವಿಧಿಸುತ್ತದೆ.


ಭಾರತ ದೇಶೀಯ ಬೇಡಿಕೆಯನ್ನು ಪೂರೈಸಲು ವಾರ್ಷಿಕವಾಗಿ 1.4 ರಿಂದ 15 ದಶಲಕ್ಷ ಟನ್ ತರಕಾರಿ ತೈಲಗಳನ್ನು ಆಮದು ಮಾಡಿಕೊಳ್ಳುತ್ತದೆ. ಭಾರತವು ಇಂಡೋನೇಷ್ಯಾ ಮತ್ತು ಮಲೇಶಿಯಾದಿಂದ ಪಾಮ್ ಎಣ್ಣೆಯನ್ನು ಆಮದು ಮಾಡಿಕೊಳ್ಳುತ್ತದೆ. ಬ್ರೆಜಿಲ್ ಮತ್ತು ಅರ್ಜೆಂಟೀನಾದಿಂದ ಸೋಯಾಬೀನ್ ತೈಲವನ್ನು ಖರೀದಿಸುತ್ತದೆ. ಸಕ್ಕರೆಯ ವಿಷಯದಲ್ಲಿ, ದಾಖಲೆ ಉತ್ಪಾದನೆಯ ಕಾರಣದಿಂದ ಭಾರತಕ್ಕೆ 10 ಮಿಲಿಯನ್ ಟನ್ಗಳಷ್ಟು ಹೆಚ್ಚುವರಿ ಇದೆ. ಈ ವರ್ಷವೂ ಹೆಚ್ಚು ಸಕ್ಕರೆ ಉತ್ಪಾದಿಸುವ ನಿರೀಕ್ಷೆಯಿದೆ.