`ಕ್ಲಿಕ್ ಕೆಮಿಸ್ಟ್ರಿ ಅಭಿವೃದ್ಧಿಗಾಗಿ` 3 ವಿಜ್ಞಾನಿಗಳಿಗೆ ರಸಾಯನಶಾಸ್ತ್ರ ನೊಬೆಲ್

ನವದೆಹಲಿ: ರಸಾಯನಶಾಸ್ತ್ರದ ಹೆಚ್ಚು ಕ್ರಿಯಾತ್ಮಕ ರೂಪಕ್ಕೆ ಅಡಿಪಾಯ ಹಾಕಿದ ಯುಎಸ್ ಮತ್ತು ಡೆನ್ಮಾರ್ಕ್‌ನ ಮೂವರು ರಸಾಯನಶಾಸ್ತ್ರಜ್ಞರಿಗೆ ನೊಬೆಲ್ ರಸಾಯನಶಾಸ್ತ್ರ ಪ್ರಶಸ್ತಿಯನ್ನು ಘೋಷಿಸಲಾಯಿತು.

ಅಮೆರಿಕನ್ನರಾದ ಕ್ಯಾರೊಲಿನ್ ಬರ್ಟೊಝಿ ಮತ್ತು ಬ್ಯಾರಿ ಶಾರ್ಪ್‌ಲೆಸ್, ಡೆನ್ಮಾರ್ಕ್‌ನ ಮಾರ್ಟೆನ್ ಮೆಲ್ಡಾಲ್ ಜೊತೆಗೆ "ಕ್ಲಿಕ್ ಕೆಮಿಸ್ಟ್ರಿ ಮತ್ತು ಬಯೋಆರ್ಥೋಗೋನಲ್ ಕೆಮಿಸ್ಟ್ರಿ ಅಭಿವೃದ್ಧಿಗಾಗಿ" ಗೌರವಿಸಲಾಯಿತು ಎಂದು ತೀರ್ಪುಗಾರರು ಹೇಳಿದ್ದಾರೆ.

2001ರಲ್ಲಿ ರಸಾಯನಶಾಸ್ತ್ರ ನೊಬೆಲ್ ಗೆದ್ದ ನಂತರ ಎರಡನೇ ಬಾರಿಗೆ 81 ವರ್ಷದ ಶಾರ್ಪ್‌ಲೆಸ್‌ಗೆ ನೊಬೆಲ್ ಪುರಸ್ಕಾರ ಲಭಿಸಿದೆ.