ಶ್ರೀಮಂತರ ಖಾದ್ಯ ಎಂದೇ ಫೇಮಸ್ ಈ ಮೀನಿನ ಮೊಟ್ಟೆ, ವಿಶ್ವದ ಅತ್ಯಂತ ದುಬಾರಿ ಆಹಾರ ಪದಾರ್ಥ ಇದು!

Benefits of caviar eggs: ಪ್ರಪಂಚದಾದ್ಯಂತ ಆಹಾರದ ಹುಚ್ಚು ಹೊಂದಿರುವ ಅನೇಕ ಜನರಿದ್ದಾರೆ ಮತ್ತು ಇದಕ್ಕಾಗಿ ಅವರು ವಿವಿಧ ಸ್ಥಳಗಳಿಗೆ ಹೋಗಿ ಅಲ್ಲಿ ರುಚಿಕರವಾದ ಆಹಾರಗಳನ್ನು ಸವಿಯಲು ಸಿದ್ಧರಾಗಿರುತ್ತಾರೆ. ಸಾಕಷ್ಟು ಹಣವನ್ನು ಖರ್ಚು ಮಾಡುತ್ತಾರೆ. ಆದರೆ ಪ್ರಪಂಚದ ಅತ್ಯಂತ ದುಬಾರಿ ಆಹಾರ ವಸ್ತು ಯಾವುದು ಮತ್ತು ಅದರ ಬೆಲೆ ಏನು ಎಂದು ನಿಮಗೆ ತಿಳಿದಿದೆಯೇ? ಇದು ವಜ್ರದಷ್ಟೇ ವದುಬಾರಿ. ನೀವು ಅದನ್ನು ಸವಿಯಲು ಬಯಸುವಿರಾ? ಇದು ಒಂದು ಮೀನಿನ ಮೊಟ್ಟೆ. ಇದನ್ನು ವಿಶ್ವದ ಅತ್ಯಂತ ದುಬಾರಿ ಆಹಾರವೆಂದು ಪರಿಗಣಿಸಲಾಗುತ್ತದೆ. ಅದರ ಬೆಲೆಯಿಂದಾಗಿ ಇದನ್ನು 'ಶ್ರೀಮಂತರ ಭಕ್ಷ್ಯ' ಎಂದೂ ಕರೆಯುತ್ತಾರೆ.

ರೇಷ್ಮೆಯಂತಹ ವಿನ್ಯಾಸದ ಕಿರುಧಾನ್ಯಗಳನ್ನು ಕಂಡರೆ ಯಾರಿಗಾದರೂ ಸವಿಯಲು ಇಷ್ಟವಾಗುತ್ತದೆ. ಆದರೆ ಬೆಲೆ ಕೇಳಿದ ನಂತರ ಶ್ರೀಮಂತರೂ ಹಲ್ಲು ಕಚ್ಚುತ್ತಾರೆ. ಈ ಮೀನಿನ ಮೊಟ್ಟೆಗಳನ್ನು ಕ್ಯಾವಿಯರ್ ಎಂದು ಕರೆಯಲಾಗುತ್ತದೆ. 

ಇದನ್ನೂ ಓದಿ: ವಿಶ್ವದ ಅತ್ಯಂತ ಸುಂದರ ಮಹಿಳೆಯರನ್ನು ಹೊಂದಿರುವ ದೇಶ ಯಾವುದು ಗೊತ್ತಾ?

ಕ್ಯಾವಿಯರ್ ಮೊಟ್ಟೆಗಳು ಸಮುದ್ರದಲ್ಲಿ ಕಂಡುಬರುವ ಸ್ಟರ್ಜನ್ ಎಂಬ ಮೀನುಗಳಿಂದ ಬರುತ್ತವೆ. ಈ ಮೀನಿನ ಸುಮಾರು 26 ಜಾತಿಗಳಿವೆ. ಈ ಮೊಟ್ಟೆಗಳನ್ನು ವಿವಿಧ ಬ್ರಾಂಡ್‌ಗಳಲ್ಲಿ ಮಾರಾಟ ಮಾಡಲಾಗುತ್ತದೆ. ಸ್ಟರ್ಜನ್ ಹೆಣ್ಣು ಮೀನುಗಳನ್ನು ಮೊಟ್ಟೆಗಳಿಗಾಗಿ ವಿಶೇಷವಾಗಿ ಬೆಳೆಸಲಾಗುತ್ತದೆ. 

ಕ್ಯಾವಿಯರ್ ಮೊಟ್ಟೆಗಳು ಕಪ್ಪು, ಕಿತ್ತಳೆ, ಆಲಿವ್ ಮುಂತಾದ ಬಣ್ಣಗಳಲ್ಲಿ ಲಭ್ಯವಿವೆ. ಅವುಗಳ ವಿನ್ಯಾಸವು ಸಾಕಷ್ಟು ಸಿಲ್ಕಿ ಸ್ಮೂತ್‌ ಆಗಿರುತ್ತದೆ. ರೋಮನ್ ಮತ್ತು ಗ್ರೀಕ್ ರಾಜರ ಕಾಲದಲ್ಲಿಯೂ ಈ ಮೊಟ್ಟೆಯ ಭಕ್ಷ್ಯಗಳನ್ನು ತಯಾರಿಸಲಾಗುತ್ತಿತ್ತು. ಆದ್ದರಿಂದ ಇದನ್ನು ರಾಜಮನೆತನದ ಖಾದ್ಯ ಎಂದೂ ಕರೆಯುತ್ತಾರೆ. ಇದರ ಬೆಲೆ ಯಾವಾಗಲೂ ಗಗನಕ್ಕೇರುತ್ತದೆ, ಈ ಕಾರಣದಿಂದಾಗಿ ಈ ಮೊಟ್ಟೆಗಳಿಂದ ತಯಾರಿಸಿದ ವಸ್ತುಗಳನ್ನು ಶ್ರೀಮಂತರ ಭಕ್ಷ್ಯ ಎಂದು ಕರೆಯಲಾಗುತ್ತದೆ.  

ಮಾಹಿತಿ ಪ್ರಕಾರ, ಕ್ಯಾವಿಯರ್ ಮೊಟ್ಟೆಯ ಬೆಲೆ 1 ಔನ್ಸ್ ಅಂದರೆ 30 ಗ್ರಾಂ ಕ್ಯಾವಿಯರ್ ಮೊಟ್ಟೆಯ ಬೆಲೆ ಸುಮಾರು 5000 ದಿಂದ 8000 ರೂ ಅಥವಾ ಅದಕ್ಕಿಂತ ಹೆಚ್ಚು ಇರಬಹುದು. 

ಸ್ಟರ್ಜನ್ ಮೀನುಗಳು ಹೆಚ್ಚಿನ ಸಂಖ್ಯೆಯ ಮೊಟ್ಟೆಗಳನ್ನು ಇಡುತ್ತವೆ. ಆದರೆ ಮೊಟ್ಟೆಗಳನ್ನು ಇಡಲು ಸುಮಾರು 7 ರಿಂದ 15 ವರ್ಷಗಳು ಬೇಕಾಗುತ್ತದೆ. ಹಿಂದೆ, ಮೀನುಗಳಿಂದ ಮೊಟ್ಟೆಗಳನ್ನು ಪಡೆಯಲು ಬೇಟೆಯಾಡಲಾಗುತ್ತಿತ್ತು. ನಂತರ ಈ ಜಾತಿಯನ್ನು ಅಳಿವಿನಿಂದ ರಕ್ಷಿಸಲು ಬೇಟೆಯನ್ನು ನಿಷೇಧಿಸಲಾಯಿತು. ಈ ಕಾರಣದಿಂದಾಗಿ ಈ ಮೊಟ್ಟೆಗಳ ಬೆಲೆ ಇನ್ನಷ್ಟು ಹೆಚ್ಚಾಯಿತು. 

ಸ್ಟರ್ಜನ್ ಮೀನುಗಳಿಂದ ಪಡೆದ ಕ್ಯಾವಿಯರ್ ಮೊಟ್ಟೆಗಳನ್ನು ಫ್ರೀಜರ್‌ನಲ್ಲಿ ಮಾತ್ರ ಸಂಗ್ರಹಿಸಲಾಗುತ್ತದೆ. ಅವುಗಳನ್ನು ಸಾಮಾನ್ಯ ತಾಪಮಾನದಲ್ಲಿ ಇಡಲಾಗುವುದಿಲ್ಲ, ಆದರೆ ಮೊಟ್ಟೆಗಳನ್ನು ಹೆಚ್ಚು ಸಮಯ ಸಂಗ್ರಹಿಸಲಾಗುತ್ತದೆ. ಇದರಿಂದ ಅದರ ಗುಣಮಟ್ಟ ಮತ್ತು ರುಚಿ ಹೆಚ್ಚಾಗುತ್ತದೆ ಎಂದು ಹೇಳಲಾಗುತ್ತದೆ. ಕ್ಯಾವಿಯರ್ ಮೊಟ್ಟೆಗಳು ಪೋಷಕಾಂಶಗಳ ವಿಷಯದಲ್ಲಿ ಕಡಿಮೆಯಿಲ್ಲ. ಒಮೆಗಾ 3 ಕೊಬ್ಬಿನಾಮ್ಲಗಳು, ವಿಟಮಿನ್ ಬಿ 12, ವಿಟಮಿನ್ ಸಿ, ಎ, ಇ, ಸತು, ಮೆಗ್ನೀಸಿಯಮ್, ಕಬ್ಬಿಣ ಮತ್ತು ಕ್ಯಾಲ್ಸಿಯಂ ಸಹ ಉತ್ತಮ ಪ್ರಮಾಣದಲ್ಲಿ ಕಂಡುಬರುತ್ತದೆ.

ಇದನ್ನೂ ಓದಿ: Viral News: 23 ಕೋಟಿ ಆಸ್ತಿಯನ್ನು ನಾಯಿ-ಬೆಕ್ಕಿನ ಹೆಸರಿಗೆ ಬರೆದ ವೃದ್ಧೆ!