Tunisha Sharma Death Case : छोट्या पडद्यावरील अभिनेत्री तुनिषा शर्माने (Tunisha Sharma) शनिवारी 24 डिसेंबर रोजी मालिकेच्या सेटवरच गळफास घेत आपलं जीवन संपवलं आहे. मेकअप रुममध्येच तुनिषाने गळफास घेत आत्महत्या केली. तुनिषाच्या आत्महत्येने आता एकच खळबळ उडाली आहे. तिच्या मृत्यूनंतर धक्कादायक खुलासे समोर आले आहेत. तुनिषाचा प्रियकर शिझान खान (Sheezan Khan) याला पोलिसांनी ताब्यात घेतले असून त्याच्यावर आत्महत्येस प्रवृत्त करण्याच्या आरोप तिच्या आईनं केले होते. दरम्यान, आता तुनिषाच्या आईचा एक व्हिडीओ व्हायरल झाला आहे. या व्हिडीओत तिची आई शिझानवर आरोप करताना दिसत आहे. 


COMMERCIAL BREAK
SCROLL TO CONTINUE READING

या व्हायरल व्हिडीओमध्ये तुनिषाची आई वनिता शिझानवर आरोप करत म्हणते की, "त्यानं तिच्याशी लग्न करण्याचे आमिष धाखवले. तो आधीच एका मुलीसोबत रिलेशनशिपमध्ये असताना तुनिषासोबत रिलेशनशिपमध्ये राहिला. त्यानं तिचा तीन ते चार महिने वापर केला. मला फक्त इतकंच सांगायचं आहे की शिझानला शिक्षा मिळालीच पाहिजे. त्याला असचं सोडू नका. मी माझं मूल गमावलं आहे." पुढे त्या मीडियाचे आभार मानत म्हणाल्या की "मीडिया मला सतत मदत करत आहे." 


हेही वाचा : Tunisha Sharma च्या मृत्युप्रकरणी जबाबदार म्हटल्या जाणाऱ्या बॉयफ्रेंडची सुटका?


दरम्यान, तुनिषा आणि शिझान विषयी आणखी एक माहिती समोर आली आहे की 15 दिवसांपूर्वीच त्यांचा ब्रेकअप झाला होता. त्यामुळे ती अस्वस्थ आणि डिप्रेशनमध्ये होते, असे म्हटले जात आहे. 


तुनिषा सतत जायची शिझानच्या घरी


"लडाखला गेल्यावर त्यांची जवळीक वाढली होती. दोघेही एकमेकांच्या खूप जवळ होते आणि त्यामुळे तासनतास बोलायचे. तुनिषा दिवसाआड शिझानच्या घरी जायची. शिझानच्या कुटुंबातील सदस्य, आई आणि बहीण तिच्यासाठी काहीतरी खाण्यासाठी नेहमी बनवायचेय. 15 दिवसांपूर्वी तुनिषाला शिझानच्या आयुष्यात आणखी कोणीतरी असल्याची माहिती मिळाली, त्यानंतर तुनिषा तुटली. 16 डिसेंबर रोजी सेटवर शूटिंग करत असताना तुनिषाची तब्येत बिघडली. त्यानंतर सेटवरील लोकांनी तिला बोरिवली येथील रुग्णालयात नेले. रुग्णालयात पोहोचल्यानंतर आम्हाला याची माहिती देण्यात आहे. जेव्हा आम्ही तिथे पोहोचले तेव्हा 'त्याने माझी फसवणूक केली, तो माझ्यासोबत असं कसं करू शकतो, त्यानं माझ्यावर अन्याय केला,' असे म्हणत होती," असे तुनिषानं तिच्या कुटुंबियांनी सांगितले.


 

 

 

 



 

 

 

 

 

 

 

 

 

 

 

 


दरम्यान, Tunisha Sharma नं आतापर्यंत 'भारत के वीर पुत्र - महाराणा प्रताप' आणि 'चक्रवर्ती अशोक सम्राट', 'गब्बर पुंचवाला', 'शेर एक पंजाब - महाराजा रणजीत सिंग', 'इंटरनेट वाला लव', 'इश्क सुभान अल्लाह' आणि 'अली बाबा दास्तान-ए-कबुल' सारख्या टीव्ही शोमध्ये काम केले आहे. इतकंच नव्हे तर Tunisha Sharma नं बॉलिवूड अभिनेत्री कतरिना कैफच्या 'फितूर' चित्रपटात काम केलं आहे.