अभिनेत्री सुमाना चक्रवर्तीनं सोशल मीडियावर म्हटलं, I QUIT आणि...

मंबई : टीव्हीच्या पडद्यावर दिसणारे चेहरे सुंदर दिसत असले तरी सततच्या तणावामुळे अनेक सेलिब्रिटी व्यसनाच्या विळख्यात अडकलेले दिसतात. अशाच चेहऱ्यांपैंकी एक ओळखीचा चेहरा म्हणजे टीव्ही अभिनेत्री सुमोना चक्रवर्ती... सुमोनाला सिगारेट ओढण्याचं व्यसनच लागलं होतं... परंतु, आता मात्र आपल्या या व्यसनावर नियंत्रण मिळवल्याचा खुलासा सुमोनानं केलाय. सोशल मीडियावर एक पोस्ट शेअर करत सुमोनानं आपण धुम्रपानाचं व्यसन सोडल्याचं म्हटलंय. 

सुमोनानं आपल्या इन्स्टाग्रामवर फॅन्ससोबत पोस्ट शेअर करताना 'I QUIT... DID YOU' असं फोटोसहीत म्हटलंय. सुमोनानं लिहिलेल्या लांबलचक पोस्टवर 'दोन वर्षांपूर्वी आपल्या एका मित्राच्या वाढदिवशी आपण सिगारेट पिणं बंद करण्याचं ठरवल्याचं' म्हटलं. त्यानंतर आजपर्यंत कधीही सिगारेटला हात न लावल्याचंही तिनं अभिमानानं म्हटलंय. 

''हे खूप कठिण होतं... खूपच जास्त कठिण... परंतु, आता मात्र माझं शरीर व्यसनाला थारा देऊ शकत नाही. आता मात्र मी अशा ठिकाणीही उभी राहू शकत नाही जिथे इतर लोक धुम्रपान करत असतील', असं सुमोनानं स्पष्ट केलंय. 

कॉमेडियन कपिल शर्मा याच्या ऑनस्क्रीन पत्नीच्या भूमिकेत सुमोना प्रेक्षकांमध्ये प्रसिद्ध आहे. सुमोना सोशल मीडियावर चांगलीच ऍक्टिव्ह असते. ती सतत मित्र-मैत्रिणींसोबत पार्टी करताना आणि नव-नव्या लूक्ससहीत फोटो शेअर करताना दिसते.