Chitrakshi Rawat Wedding: सध्या सगळीकडेच लग्नाचा माहोल आहे. त्यामुळे सेलिब्रेटींच्या घरीही लगीनघाई सुरू झाली आहे. सध्या सगळीकडेच चर्चा आहे ती म्हणजे अभिनेत्री कियारा अडवाणी (Kiara Adavani) आणि अभिनेता सिद्धार्थ मल्होत्रा यांच्या लग्नाची. सध्या त्यांच्या लग्नाच्या चर्चांना सगळीकडे उधाण आलं आहे. त्यातून आता अशीच एक लोकप्रिय अभिनेत्री आज विवाहबंधनात अडकली आहे. या अभिनेत्रीचं नावं आहे चित्राक्षी रावत. सोळा वर्षांपुर्वी प्रदर्शित झालेल्या शाहरूख खानच्या चक दे इंडिया (Chak De India) या चित्रपटातून तिनं हॉकी ग्रुप मधल्या एका डॅशिंग मुलीची भुमिका केली होती. या चित्रपटात कोमल नावाची व्यक्तिरेखा तिनं केली होती. वयाच्या 33 वर्षी ही अभिनेत्री लग्नबंधनात अडकली आहे. सध्या तिच्या लग्नाचा फोटोज हे सोशल मीडियावर व्हायरल होत आहेत. (chak de india actress chitrakshi rawat got married today with her boyfriend dhruvaditya bhagwani)


COMMERCIAL BREAK
SCROLL TO CONTINUE READING

सध्या त्यांचे लग्नाच्या पोषाखातील फोटो सोशल मीडियावर चर्चेचा विषय ठरले आहेत. अभिनेता ध्रुवादित्यसोबत चित्राक्षीनं लग्नगाठ बांधली आहे. एकमेकांच्या प्रेमात अखंड बुडालेले ध्रुवादित्य आणि चित्राक्षी यांचे फोटो पाहून चाहत्यांनी कौतुकाचा वर्षाव केला आहे. ध्रुवादित्य आणि चित्राक्षी यांची 2012 साली पहिली भेट झाली. त्यानंतर त्यांनी 11 वर्षे एकमेकांना डेट केलं. अखेर डेट केल्यानंतर त्यांनी लग्नाचा निर्णय घेतला आणि ते 4 फेब्रुवारी रोजी विवाहबंधनात अडकले आहेत. 


चित्राक्षी आणि ध्रुवादित्याच्या हळदी, मेहेंदी आणि संगीत सेरेमनीचेही व्हिडीओज सगळीकडे व्हायरल होत आहेत. त्यामध्ये ते दोघंही त्यांचे लग्न एन्जॉय करताना दिसत आहेत. त्यामुळे सध्या त्यांच्या फोटोंचीच चर्चा आहे. चित्राक्षीनं सुंदर असा वेडिंग ड्रेस घातला आहे. त्यातून त्या दोघांचे प्री आणि पोस्ट वेडिंग फोटोशूटही सगळीकडेच व्हायरल होत आहेत. त्यांच्या रोमॅटिंक पोझेजही चर्चचा विषय ठरले आहेत. त्यामुळे सध्या कियारा अडवाणीसोबतच या दोघांच्या लग्नाचीही चर्चा सुरू झाली आहे. 



चित्राक्षी ही उत्तराखंड राज्याचे माजी मुख्यमंत्री तिराथ सिंग रावत यांची मुलगी आहे. 2007 साली आलेल्या चक दे इंडिया या चित्रपटातून तिच्या भुमिकेचे विशेष कौतुक करण्यात आले होते. हा चित्रपट त्यावेळी प्रचंड गाजला होता. आजही लोकं आवडीनं हा चित्रपट पाहतात. चित्राक्षीनं त्यानं लक, फॅशन अशा काही चित्रपटांतून कामं केली आहे. ती स्वत: एक हॉकी प्लेअर आहे. तिच्या अभिनयाचेही कौतुक करण्यात आले आहे. तिनं काही काळानंतर अभिनयातून ब्रेक घेतला होता. सध्या तिच्या लग्नाच्या जोरात चर्चा सुरू झाल्या आहेत.