ज्येष्ठ गायिका गिरिजा देवी यांचं निधन

कोलकाता : ज्येष्ठ शास्त्रीय गायिका गिरिजा देवी यांचं निधन झालंय. 

हृदयविकाराच्या झटक्यानं त्यांचं निधन झालंय. कोलकाताच्या बिर्ला रुग्णालयात त्यांनी अखेरचा श्वास घेतला. 

मृत्यूसमयी त्या 88 वर्षांच्या होत्या. उत्तर प्रदेशातल्या बनारसमध्ये 8 मे 1929 ला त्यांचा जन्म झाला होता.

बनारस घराण्याच्या त्या गायिका होत्या. आपल्या ठुमरी गायनासाठी त्या विशेष प्रसिद्ध होत्या. 

गिरिजा देवी यांना पद्मश्री, पद्मभूषण, पद्मविभूषण पुरस्कारानं सन्मानितही करण्यात आलं होतं.