Natasa Stankovic Gets Troll after Aleksandar Alex Drapes her Saree : अभिनेत्री आणि मॉडेल नताशा स्टेनकोविक क्रिकेटपटू हार्दिक पांड्यासोबतच्या घटस्फोटानंतर सतत कोणत्या ना कोणत्या कारणामुळे चर्चेत राहते. नताशा आणि हार्दिक हे दोघेही घटस्फोटानंतर ते दोघं आयुष्यात पुढे गेले आहेत. सर्बियावरून परतल्यानंतर नताशा सतत वेगवेगळ्या प्रोजेक्ट्सवर काम करताना दिसत आहे. त्याशिवाय ती सोशल मीडियावर सक्रिय असल्याचे पाहायला मिळत आहे. नताशानं दिवाळीच्या पार्टी दरम्यान, फिटनेस ट्रेनर अ‍ॅलेक्स अ‍ॅलेक्झॅन्डरसोबतचे अनेक फोटो शेअर केले. त्या दोघांचे अनेक फोटो आणि व्हिडीओ देखील व्हायरल झाले. दरम्यान, या सगळ्यात नताशाचा एक व्हिडीओ व्हायरल झाला आहे. या व्हिडीओत अ‍ॅलेक्स अ‍ॅलेक्झॅन्डर हा तिला साडी नेसवताना दिसत आहे. हा व्हिडीओ समोर आल्यानंतर नताशाला हार्दिकचे चाहते ट्रोल करताना दिसत आहेत. 


COMMERCIAL BREAK
SCROLL TO CONTINUE READING

नताशा आणि अ‍ॅलेक्स अ‍ॅलेक्झॅन्डरचा एक व्हिडीओ सोशल मीडियावर व्हायरल होत आहे. हा व्हिडीओ अ‍ॅलेक्स अ‍ॅलेक्झॅन्डरनं त्याच्या इन्स्टाग्राम अकाऊंटवरून शेअर केला आहे. या व्हिडीओत तुम्ही पाहू शकता की अ‍ॅलेक्स अ‍ॅलेक्झॅन्डर हा नताशाचा पेटीकोट सुई-धाग्यानं शिवताना दिसतोय. अशात नताशा तिच्या मित्राची स्तुती करताना दिसते. त्यानंतर अ‍ॅलेक्स अ‍ॅलेक्झॅन्डर नताशाला साडी नेसून द्यायला मदत करताना दिसतो. नताशानं काळ्या रंगाची साडी नेसली आहे. तिच्यासोबत अ‍ॅलेक्स अ‍ॅलेक्झॅन्डरनं ट्विनिंग केली आहे. 


 

 

 

 



 

 

 

 

 

 

 

 

 

 

 

अ‍ॅलेक्स अ‍ॅलेक्झॅन्डरनं हा व्हिडीओ शेअर करत कॅप्शन दिलं आहे की मला असं वाटतं की मी टेलर आणि ड्रेपर व्हायला हवं. नताशानं हा व्हिडीओ शेअर करत कॅप्शन दिलं की, माझा जवळचा मित्र तुमच्यापेक्षा खूप चांगला आहे. नताशा आणि अ‍ॅलेक्स अ‍ॅलेक्झॅन्डरचा हा व्हिडीओ चांगलाच चर्चेत आहे. एकीकडे अनेकांना हा व्हिडीओ आवडतोय तर दुसरीकडे अ‍ॅलेक्स अ‍ॅलेक्झॅन्डरला नेटकरी ट्रोल करताना दिसत आहेत. 


हेही वाचा : सारं काही विसरून अभिषेक बच्‍चन आणि ऐश्वर्या राय येणार एकत्र? 'ही' व्यक्ती ठरली कारण


एक नेटकरी कमेंट करत म्हणाला, 'असं वाटतंय की आता याला दिशा पटानीसोबत नाही रहायचंय.' दुसरा नेटकरी म्हणाला, 'तुम्ही दोघं कपल आहात? मला काही कळत नाही आहे.' अशा अनेक कमेंट करत नेटकरी त्या दोघांना ट्रोल करताना दिसत आहेत. दरम्यान, हार्दिक आणि नताशा 2020 मध्ये लॉकडाऊनमध्ये लग्न बंधनात अडकले होते. लग्नाच्या चार वर्षांनंतर ते दोघं विभत्त झाले. नताशा आणि हार्दिक यांना एक मुलगा असून अगस्त्य असं त्याचं नाव आहे. दरम्यान, अगस्त्यची कस्टडी ही सध्या नताशाकडे आहे.