‘बाहुबली’ची ‘देवसेना’ अनुष्काच्या नव्या सिनेमाचं पोस्टर रिलीज

नवी दिल्ली : ‘बाहुबली २’ या सिनेमातील भूमिकेमुळे लोकप्रियतेच्या शिखरावर गेलेल्या अभिनेत्री अनुष्का शेट्टीचा आज वाढदिवस आहे. ‘बाहुबली २’ नंतर आता अनुष्का पुढच्या सिनेमासाठी सज्ज झाली आहे.

अनुष्का आगामी ‘भागमती’ या सिनेमात दिसणार आहे. या सिनेमाचा पोस्टर नुकताच रिलीज करण्यात आलाय. हा सिनेमा तमिळ, तेलगु आणि मल्याळम भाषेत तयार होणार आहे. 

अनुष्काच्या वाढदिवसालाच हे तिच्या नव्या सिनेमाचे पोस्टर रिलीज होणे हे तिला एकप्रकारचे गिफ्ट आहे. पोस्टरवरून तरी अनुष्का या सिनेमात दमदार भूमिकेत दिसणार असल्याचे जाहीर होते. रक्ताने माखलेल्या हातांमध्ये तिने एक हातोडा पकडला आहे. त्यावरून ती या सिनेमात अ‍ॅक्शन करताना दिसणार असा अंदाज व्यक्त केला जातोय.  

अनुष्कासोबत या सिनेमा ‘भागमती’ सिनेमात उन्नी मुकुंदन, आदी पिनिसेट्टी आणि मल्याळम स्टार जयराम सुद्धा दिसणार आहेत.  काही दिवसांपूर्वी अनुष्का प्रभाससोबत ‘साहो’मध्ये दिसणार अशी चर्चा होती. पण काही कारणाने तिला हा सिनेमा मिळाला नाही. त्यामुळे तिच्या चाहत्यांमध्ये मोठी नाराजी पसरली होती. पण आता या नव्याने सिनेमाने प्रेक्षकांमध्ये उत्साह आणि उत्सुकता दोन्ही वाढली आहे.