Gadar 2 Trailer : `गदर 2` चा धमाकेदार ट्रेलर प्रदर्शित, मुलाला वाचवण्यासाठी शत्रुशी लढताना दिसेल `तारा सिंग`
Gadar 2 Trailer : `गदर 2` चा ट्रेलर नुकताच प्रदर्शित झाला आहे. तर चित्रपटाच्या ट्रेलरनं प्रेक्षकांना भूरळ पाडली आहे. आता तारा सिंग पुन्हा एकदा पाकिस्तानला जाणार असून त्याच कारण सकीना नाही तर दुसरीच कोणी व्यक्ती आहे. एकदा पाहाच नक्की काय आहे ट्रेलरमध्ये दडलेलं...
Gadar 2 Trailer : गेल्या अनेक दिवसांपासून बॉलिवूड अभिनेता सनी देओलच्या 'गदर 2' ची चर्चा सुरु होती. त्याचा ट्रेलर कधी प्रदर्शित होईल याची उत्कंठा प्रेक्षकांना लागली होती. प्रेक्षक चित्रपटाची प्रतिक्षा करत असताना आता चित्रपटाचा ट्रेलर प्रदर्शित झाला आहे. 'गदर 2' हा 2001 मध्ये प्रदर्शित झालेल्या 'गदर' चा दुसरा भाग आहे. या चित्रपटातील इमोशन्स, अॅक्शन आणि दमदार पटकथा ही प्रेक्षकांच्या मनावर छाप सोडून गेली आहे. आता त्याच आठवणी पुन्हा एकदा प्रेक्षकांच्या मनात ताज्या करण्यासाठी सनी देओल 'गदर 2' हा चित्रपट घेऊन प्रेक्षकांच्या भेटीला येत आहे. चित्रपटात देश फक्ती आणि कुटुंबावर असलेलं प्रेम या सगळ्या गोष्टी पाहायला मिळत आहेत. चला तर ट्रेलर विषयी जाणून घेऊया...
'गदर 2' च्या ट्रेलरमध्ये पाहायला मिळतय की तारा सिंग पुन्हा एकदा पाकिस्तानला जात आहे. पण यावेळी त्याचं पाकिस्तानला जाण्याचं कारण सकीना नाही तर त्यांचा मुलगा जीते आहे. 'गदर 2' मध्ये काही नवीन कलाकारांची एन्ट्री पाहायला मिळत आहे. 'गदर 2' च्या कहानीची सुरुवात ही 1971 च्या सुरुवातीची असल्याचे पाहायला मिळत आहे. खरंतर ट्रेलरच्या सुरुवातीलाच जबरदस्त डायलॉग्स पाहायला मिळत आहेत. त्यानंतर अनेक अॅक्शन सीन्स पाहायला मिळत आहेत.
'गदर 2' हा चित्रपट 11 ऑगस्ट रोजी प्रदर्शित होणार आहे. हे पाहता निर्मात्यांनी 'गदर' पुन्हा एकदा चित्रपटगृहात प्रदर्शित करण्याचा निर्णय घेतला. चित्रपटाला 9 जून रोजी चित्रपटगृहात प्रदर्शित करण्यात आले. त्यावर निर्मात्यांचे म्हणणे होते की प्रेक्षकांना पुन्हा एकदा तोच इमोश्नल एक्सपिरियंस हवा असेल आणि त्यासाठी त्यांना चित्रपटगृहात चित्रपट पाहायचा असेल तर त्यासाठी त्यांना हा चित्रपट लगेच पाहाता येणार आहे. पहिल्या चित्रपटाला एक इन्ट्रोडक्शन म्हणून प्रेक्षक पाहतील असे त्यांनी म्हटले तर आता 22 वर्षांमध्ये या संपूर्ण स्टोरीत किती बदल झाला आहे. हे पाहण्यासाठी प्रेक्षक आतुर आहेत.
दरम्यान, 'गदर 2' च्या स्टार कास्ट विषयी बोलायचे झाले तर सनी देओल, अमीषा पटेल, उत्कर्ष शर्मा, सिम्रत कौर, लव्ह सिन्हा, गौरव चोप्रा, मिर सरवार हे कलाकार महत्त्वाच्या भूमिकेत दिसतील. रोहित चौधरी आणि मनीष वाधवा यांनी 'गदर 2' मध्ये खलनायकाची भूमिका साकारली आहे. दोन्ही चित्रपटांचे दिग्दर्शन अनिल शर्मा यांनी केले आहे.