रोहित शेट्टीच्या ‘गोलमाल अगेन’चा धमाकेदार ट्रेलर रिलीज

मुंबई : रोहित शेट्टीच्या गोलमाल सीरिजमधील ‘गोलमाल अगेन’ या बहुप्रतिक्षीत सिनेमाचा ट्रेलर लॉन्च करण्यात आला आहे. नेहमीप्रमाणे याही सिनेमात रोहित शेट्टीचं एन्टरटेन्मेंट मॅजिक बघायला मिळणार आहे.

पुन्हा एकदा रोहितची जुनी टीम काही नवीन कलाकारांसह मनोरंजनाचा तडका लावण्यासाठी सज्ज झाली आहे. 

येत्या दिवाळीत म्हणजेच २० ऑक्टोबरला हा सिनेमा रिलीज होणार आहे. याआधीचे गोमलाम सीरिजमधील सर्वच सिनेमे तूफान गाजले. रोहित शेट्टीच्या या सेन्सलेस कॉमेडी सिनेमांची जादू प्रेक्षकांवर नेहमीच चालली आहे. आता पुन्हा एकदा तो प्रेक्षकांना पोट धरून हसवण्यासाठी सज्ज झाला आहे. 

‘गोलमाल अगेन’मध्ये अजय देवगन, तब्बू, अर्शद वासरी, परिणीती चोप्रा, तुषार कपूर, श्रेयस तळपदे, कुणाल खेमू यांच्या मुख्य भूमिका आहेत. तर प्रकाश राज, निल नितीन मुकेश, जॉनी लिवर, मुकेश तिवारी, संजय मिश्रा, मुरली शर्मा, अश्विनी काळसेकर, विजय पाटकर आणि सचिन खेडेकर यांच्याही या भूमिका आहेत.