Video : `तुम्हाला जिंकायचं असेल तर कठोर निर्णय...` हिना खानच्या `त्या` कृतीने आईला अश्रू अनावर
टीव्ही अभिनेत्री आणि `ये रिश्ता क्या कहलाता है` फेम हिना खान सध्या ब्रेस्ट कॅन्सरशी लढत आहे. या कठीण लढाईतील प्रत्येक क्षण आपल्या चाहत्यांसोबत शेअर करत आहेत. सध्या तिने ही लढाई जिंकण्यासाठी एक कठोर निर्णय घेतलाय.
Hina Khan Instagram Video : टीव्ही अभिनेत्री आणि 'ये रिश्ता क्या कहलाता है' फेम हिना खान (Hina Khan) ब्रेस्ट कॅन्सरशी (Breast Cancer) दोन हात करतेय. ही लढाई जिंकण्यासाठी ती खूप हिम्मत आणि धैर्याने पुढे जात आहे. या कठीण प्रवासातील (Hina Khan Health Update) क्षण ती चाहत्यांसोबत शेअर करत आहेत. सोशल मीडियावरील इन्स्टाग्रामवरील तिच्या ऑफिशल अकाऊंटवरून ती तिच्या आयुष्यातील हे भयावह क्षण व्हिडीओद्वारे (Hina Khan Viral Video) शेअर करत आहे. तिने सोशल मीडियावर केमोथेरपीपूर्वी एक कठोर निर्णय घेतला. ज्यानंतर तिच्या आईलाही लेकीच्या वेदना सहन होत नाहीय.
'तुम्हाला जिंकायचं असेल तर कठोर निर्णय...'
कॅन्सरच्या उपचारामध्ये केमोथेरपी (chemotherapy) ही महत्त्वाची असते. रुग्णावर केमोथेरपी सुरु झाल्यानंतर त्याचे केस गळतात. अशातच हिना खाननेही केमोथेरपीपूर्वीच एक कठोर निर्णय घेतला. तिचे प्रिय केसांची आहुती दिलीय. हो, हिना खानने आपले केस कापले आहेत. या क्षणाचा व्हिडीओ तिने सोशल मीडियावर शेअर केलाय.
'ही लढाई जिंकण्यासाठी प्रत्येक संधी देणार...'
हा व्हिडीओ शेअर करताना तिने कॅप्शनमध्ये आपल्या भावना व्यक्त केलाय. ती म्हणते की, पार्श्वभूमीत माझ्या आईचा काश्मिरी भाषेत मला आशीर्वाद देत रडणारा आवाज ऐकू येतो कारण तिने स्वतःला अशा गोष्टीचे साक्षीदार होण्यासाठी तयार केलंय. ज्याची तिने कल्पनाही केली नव्हती.'
'तिथल्या सर्व सुंदर लोकांसाठी, विशेषत: स्त्रिया ज्या समान लढाई लढत आहेत, मला माहित आहे की हे कठीण आहे, मला माहित आहे की आपल्यापैकी बहुतेकांसाठी, आपले केस हा मुकुट आहे. जो आपण कधीही काढत नाही. पण जर तुम्ही इतक्या कठीण लढाईला तोंड देत असाल की तुम्हाला तुमचे केस गमवावे लागतील. तुमचा अभिमान, तुमचा मुकुट? तुम्हाला जिंकायचे असेल तर तुम्हाला काही कठोर निर्णय घ्यावे लागतील.'
'ही लढाई जिंकण्यासाठी मी स्वतःला प्रत्येक संधी देण्याचा निर्णय घेतला आहे. माझे सुंदर केस गळणे सुरू होण्यापूर्वी मी ते सोडून देणे निवडते. मला हे मानसिक विघटन सहन करायचे नव्हते. म्हणून, मी माझा मुकुट सोडणे निवडले कारण मला समजले आहे की माझा खरा मुकुट म्हणजे माझे धैर्य, माझी शक्ती आणि माझे स्वतःवर असलेले प्रेम.'
'आणि हां.. मी या टप्प्यासाठी एक छान विग बनवण्यासाठी माझे स्वतःचे केस वापरायचं ठरवलंय. केस परत वाढतील, भुवया परत येतील, चट्टे फिकट होतील, परंतु आत्मा संपूर्ण राहिला पाहिजे.'
'मी माझी कहाणी, माझा प्रवास रेकॉर्ड करत आहे, जेणेकरून स्वत:ला मिठी मारण्याचा माझा प्रयत्न सर्वांपर्यंत पोहोचेल याची खात्री करता येईल. जर माझी कथा एखाद्याचा दिवस आणखी चांगला करू शकते, तर ते फायद्याचे आहे. तसेच ज्यांनी मला प्रत्येक सुख-दु:खात साथ दिली त्या लोकांशिवाय आजचा दिवस पूर्ण होऊच शकला नसता.. माझी माणसे- रॉकी जैस्वाल, माझी आई आणि द्वेशचे केस कापण्याचे खूप खूप आभार, तुमचे आभार आणि प्रेम... देव आमचे दुःख हलके कर आम्हाला जिंकण्याची ताकद. कृपया माझ्यासाठी प्रार्थना करा.'