भावोजी निघाले भारत दौऱ्याला... वहिनी तयार आहात ना?

1 जानेवारीपासून भारत दौरा सुरू

मुंबई : झी मराठीवरील लोकप्रिय असलेल्या 'होम मिनिटर' या कार्यक्रमाच्या माध्यमातून आदेश बांदेकर घराघरात पोहोचले. याच माध्यमातून त्यांनी भावोजी अशी ओळख मिळवली. आता हा कार्यक्रम राज्याबाहेर देखील पोहोचणार आहे. महाराष्ट्राचं महावस्त्र घेऊन भावोजी भारत दौरा करणार आहेत.

आतापर्यंत होम मिनिस्टरचा महाराष्ट्र दौरा झाला होता. पण आता महाराष्ट्राबाहेरील वहिनींना भेटायला खास आदेश बांदेकर येत आहेत. आदेश बांदेकरांना या कार्यक्रमामुळे प्रचंड लोकप्रियता मिळाली. आदेश बांदेकर यांना संपूर्ण महाराष्ट्र 'भावोजी' या नावाने ओळखतात.