पत्नीचा मारहाणीचा आरोप, हनी सिंगकडून पहिल्यांदाच खऱ्या-खोट्याचा खुलासा

मुंबई : बॉलिवूड गायक आणि रॅपर यो यो हनी सिंग ( Yo Yo Honey Singh ) पत्नी शालिनी तलवारने केलेल्या आरोपांमुळे गेल्या काही काळापासून चांगलाच चर्चेत  आहे. आता या संदर्भात हनी सिंग पहिल्यांदाच सोशल मीडियावर वक्त झाला आहे. पत्नीने केलेल्या गंभीर आरोपांवर त्याने मौन सोडले आहे.

हनी सिंगने आपली बाजू मांडत लिहिलं आहे की, 'माझ्या आणि माझ्या कुटुंबावर 20 वर्षांच्या पत्नीने लावलेल्या खोट्या आणि दुर्भावनापूर्ण आरोपांमुळे मी अत्यंत दु: खी आहे. गंभीरपणे हे आरोप निंदनीय आहेत. माझ्या गाण्यांवर कठोर टीका, माझ्या आरोग्याबद्दलची अटकळ आणि नकारात्मक मीडिया कव्हरेज असूनही मी कधीही  सार्वजनिक निवेदन किंवा प्रेस नोट जारी केली नाही.

शांत राहणं योग्य वाटत नव्हतं

हनी सिंगने पुढे लिहिले, 'पण, यावेळी मला या प्रकरणी गप्प राहणं योग्य वाटलं नाही. माझे कुटुंब, माझे वृद्ध आईवडिलांवर आणि धाकटी बहिणी जे कठीण प्रसंगी  माझ्या पाठीशी उभे राहिलेले आहेत. त्यांच्यावर देखील मोठे आरोप करण्यात आले आहेत.

मी 15 वर्षांपासून या उद्योगाशी संबंधित आहे आणि देशभरातील कलाकार आणि संगीतकारांबरोबर काम केले आहे. माझ्या पत्नीबरोबरच्या माझ्या नात्याबद्दल  प्रत्येकाला माहिती आहे, जी एक दशकाहून अधिक काळ माझ्या क्रूचा अविभाज्य भाग राहिली आहे आणि शूटिंग, इव्हेंट्स आणि मीटिंगसाठी नेहमीच ती  माझ्याबरोबर असायची.

 पत्नीचे आरोप फेटाळले

यानंतर हनी सिंग लिहितो की, "मी सर्व आरोप पूर्णपणे नाकारतो. पण पुढे टिप्पणी करणार नाही कारण हे प्रकरण न्यायालयासमोर विचाराधीन आहे. या देशाच्या  न्यायव्यवस्थेवर माझा पूर्ण विश्वास आहे आणि मला खात्री आहे की सत्य लवकरच बाहेर येईल.

हे प्रकरण न्यायालयात आहे आणि माननीय न्यायालयाने मला अशा  आरोपांना उत्तर देण्याची संधी दिली आहे. दरम्यान, मी माझ्या चाहत्यांना आणि जनतेला नम्रपणे विनंती करतो की, दोन्ही बाजू ऐकून घेतल्यानंतर जोपर्यंत माननीय  न्यायालय निर्णय देत नाही तोपर्यंत माझ्याबद्दल आणि माझ्या कुटुंबाबद्दल कोणताही निष्कर्ष काढू नये."