जिच्या शोषणावर जय भीम आला तिला मदत, तर अभिनेत्याला संरक्षण

ज्या महिलेच्या अतोनात शोषणावर `जय भीम` चित्रपट आला तिला आर्थिक मदत, तर धमकीनंतर अभिनेत्याला पोलीस संरक्षण

चेन्नई : 'जय भीम' या तामिळ चित्रपटात वन्नियार समुदायाचा अपमान करणाऱ्या मुद्द्यावरून पीएमके आणि अभिनेता सुर्या यांच्यातील संघर्ष तीव्र होत असताना, तामिळनाडू सरकारने मंगळवारी सुर्याला पोलिस संरक्षण दिले आहे. मंगळवारी रात्री उशिरा, तामिळनाडू पोलिसांनी अभिनेता आणि त्याच्या कुटुंबीयांना संरक्षण देण्यासाठी शहरातील त्यागराया नगर येथील अभिनेत्याच्या निवासस्थानी पाच पोलीस कर्मचार्‍यांचा एक गट तैनात केला.

दरम्यान, अभिनेता सुर्याने 15 लाख रुपयांच्या मुदत ठेवीशी संबंधित बँक कागदपत्रे Parvathy Ammal यांना सादर केली, ज्यांच्या जीवनावर हा चित्रपट आधारित आहे. मंगळवारी  Parvathy Ammal यांनी मार्क्सवादी कम्युनिस्ट पक्षाचे नेता बालकृष्णन आणि पक्षाचे सदस्य गोविंदन यांच्यासोबत  सुर्याच्या निवसस्थानी भेट घेतली. 

Parvathy Ammal यांनी न्यायासाठी संघर्ष सुरू केला तेव्हापासून हे व्यक्ती त्यांच्यासोबत होते. Parvathy Ammal यांच्या नावावर 15 लाख रुपयांच्या मुदत ठेवीपैकी 10 लाख रुपयांचे योगदान सुर्याने दिले आहे, तर चित्रपटाची निर्मिती कंपनी 2D एंटरटेनमेंटने 5 लाख रुपयांचे योगदान दिले आहे.

चित्रपटाबद्दल सुर्याने सांगितलं की, ''जय भीम' चित्रपटाची कथा केवळ एका वास्तविक घटनेने प्रेरित आहे. पात्र, नावे आणि घटना पूर्णपणे काल्पनिक आहेत.' सध्या 'जय भीम' चित्रपटाची  चर्चा सर्वत्र तुफान रंगत आहे.