मुंबई : हॉलिवूड गायक जस्टिन बीबर यानं आपण विवाहीत असल्याचा खुलासा केलाय. जस्टिननं गर्लफ्रेंड आणि मॉडल हॅली बाल्डविन हिच्यासोबत आपण विवाह केल्याचं सोशल मीडियावर कबूल केलंय. काही दिवसांपूर्वी दोघांना एकत्र न्यूयॉर्क सिटीच्या कोर्टहाऊसमध्ये विवाह लायसन्स जारी करताना पाहिलं गेलं होतं... त्यानंतर दोघांच्या नात्यासंबंधी उत्सुकता ताणली गेली होती. आता खुद्द जस्टिननंच एका फोटोसहीत हॅली आपली पत्नी असल्याचं मान्य केलंय. 



COMMERCIAL BREAK
SCROLL TO CONTINUE READING

जस्टिननं इन्स्टाग्रामवर आपला आणि हॅली बाल्डविन हिचा एक फोटो शेअर केलाय... या फोटोला त्यानं कॅप्शन दिलंय 'माझी पत्नी अद्भूत आहे' 



यापूर्वी चार महिन्यांपूर्वी आपल्या इन्स्टाग्रामवर अमेरिकन मॉडल हॅलीसोबत आपल्या साखरपुड्याची घोषणा केली होती. यासाठी जस्टिननं आपली आणि हॅलीचा एक रोमान्टिक फोटो शेअर केला होता. या फोटोत हॅली जस्टिनच्या कुशीत विसावलेली दिसतेय. 

पॉपस्टार जस्टिन बीबरनं काही दिवसांपूर्वी संगीतापासून विश्राम घेण्याची घोषणा केली होती. स्वत:च्या शोधासाठी आपण संगीतापासून थोड्या काळासाठी विलग होणार असल्याचं जस्टिननं म्हटलं होतं.