मुंबई : बॉलीवूड स्टार कार्तिक आर्यन याने भूल भुलैया 2 या चित्रपटातील आपल्या अभिनयाने पुन्हा एकदा चाहत्यांची मने जिंकली आहेत. यामुळेच भूल भुलैया 2 या वर्षातील टॉप 3 बॉलिवूड चित्रपटांमध्ये सामील झाला आहे. अशा परिस्थितीत कार्तिक सध्या त्याच्या चित्रपटाच्या यशाचा आनंद घेत आहे. दरम्यान, कार्तिक आर्यनने नुकतंच सांगितलं आहे की, त्याला मार्वल चित्रपटाचा भाग व्हायचे आहे. तसेच कार्तिकने आलिया भट्टसाठी एक मोठी गोष्ट सांगितली आहे.


COMMERCIAL BREAK
SCROLL TO CONTINUE READING

मार्वल चित्रपटाचा भाग व्हायचे आहे कार्तिक आर्यनला
कार्तिक आर्यनने एका मुलाखतीदरम्यान या गोष्टी समोर ठेवल्या आहेत. या मुलाखतीत कार्तिकला जेव्हा हा प्रश्न विचारण्यात आला की, भूल भुलैया 2 सारखा सुपरहिट चित्रपट दिल्यानंतर तू आणखी कोणता चित्रपट आणि सिरीज पाहिलीस का? यावर कार्तिकने उत्तर दिलं की, मी नुकताच मार्वल मूवी डॉ स्ट्रेंज चित्रपट पाहिला. आणि मला तो खूप आवडला.


हा चित्रपट पाहिल्यानंतर मला एवढंच वाटलं की, मीही या चित्रपटाचा एक भाग व्हावं. मात्र, नंतर कार्तिकने सांगितले की, यासाठी अजून बराच पल्ला गाठायचा आहे. कार्तिक आर्यनचा चित्रपट भूल भुलैया 20 मे रोजी प्रदर्शित झाला. तेव्हापासून आतापर्यंत या चित्रपटाने बॉक्स ऑफिसवर 137 कोटींचा व्यवसाय केला आहे आणि लवकरच चित्रपट तिसऱ्या आठवड्यात 150 कोटींचा आकडा पार करू शकतो.