मुंबई : गेल्या वर्षी म्हणजे डिसेंबर 2021 मध्ये, अभिनेता विकी कौशल (Vicky Kaushal) आणि कतरिना कैफ (Katrina Kaif) यांनी लग्नगाठ बांधली. दोघांच्या लग्नाचे फोटो सोशल मीडियावर प्रचंड व्हायरल झाले होते. मात्र, दोघांनीही आपलं नातं गुपित कसं ठेवलं याचं सर्वांनाच आश्चर्य वाटलं. लग्नाआधी नातं आणि त्यानंतर कोणतीही कल्पना न देता विकी आणि कतरिना यांनी ठराविक पाहुण्यांच्या उपस्थितीत लग्न गाठ बांधली. आता कतरिना आणि विकी बॉलिवूडच्या प्रसिद्ध कपल पैकी एक आहे. (katrina kaif family with parents)


COMMERCIAL BREAK
SCROLL TO CONTINUE READING

बॉलिवूडची प्रसिद्ध अभिनेत्री कतरिना कैफ सध्या तिच्या नुकत्याच प्रदर्शित झालेल्या 'फोन भूत' या चित्रपटामुळे चर्चेत आहे. तिचा चित्रपट 4 ऑक्टोबर रोजी थिएटरमध्ये प्रदर्शित झाला. ज्यामध्ये तिच्यासोबत ईशान खट्टर आणि सिद्धांत चतुर्वेदी दिसत आहेत. अलीकडेच हे तिघंही त्यांच्या चित्रपटाच्या प्रमोशनसाठी 'द कपिल शर्मा शो'मध्ये पोहोचले होते, जिथे कतरिनाने तिच्या लग्नात झालेल्या भांडणाचा उल्लेख केला होता.


'द कपिल शर्मा शो'मध्ये जेव्हाही चित्रपटाची स्टारकास्ट किंवा इतर कोणी पाहुणे हजेरी लावतात तेव्हा शोचा होस्ट कपिल शर्मा त्यांना असे प्रश्न विचारतो की, हसण्याबरोबरच वातावरणही तयार होतं.जेव्हा कतरिना शोमध्ये आली तेव्हा कपिलने तिला अनेक प्रश्न विचारले. (Katrina Kaif and Vicky Kaushal had a fight at their wedding the actress herself revealed)


लग्नात झालं होतं भांडण, कतरिना कैफ
कतरिनाच्या लग्नाबद्दल बोलताना कपिल शर्मा तिला विचारतो, "तुला खूप बहिणी आहेत, तुझ्या लग्नात बूट चोरण्याचा विधी होता का?" या प्रश्नाला उत्तर देताना कतरिना म्हणाली, ''त्यावेळी प्रचंड मोठं भांडण झालं होतं. मारामारीचे आवाज येत होते, मी मागे वळून पाहिलं तर इसाबेल (कतरिनाची धाकटी बहीण) आणि विकीचे २-३ मित्र एकमेकांचे बूट हिसकावताना दिसले."


शोच्या जज अर्चना सिंह कतरिनाला विचारतात, "मग या फाईटमध्ये कोण जिंकलं?" यावर हसत हसत कतरिना म्हणाली, "मी विचारलंही नाही, मी माझ्याच लग्नात इतकी बिझी होते की विचारलंही नाही." कतरिनाचं हे उत्तर ऐकून तेथे उपस्थित सर्व लोक हसू लागले. त्याचबरोबर कपिल पुढे म्हणतो की, "मित्र मोठे बदमाश असतात, त्यांना लग्नाच्या विधींमध्ये रस नसतो, कतरिनाच्या बहिणीला पाहून ते हे सगळं करायला गेले असतील"