कतरीनाचा डान्स प्रॅक्टिसचा व्हिडीओ व्हायरल, विकी कौशलसोबतच्या लग्नाची तयारी?
कतरीना विकीसोबतच्या संगीतची तयारी तर करत नाही ना?
मुंबई : बॉलिवूड अभिनेत्री कतरिना कैफ आणि विकी कौशल यांच्या लग्नाच्या बातम्या सध्या चर्चेत आहेत. दरम्यान, कतरिनाने सोशल मीडियावर स्वतःचा एक व्हिडिओ शेअर केला आहे. ज्यामध्ये ती डान्सचा सराव करताना दिसत आहे. हा व्हिडीओ पाहून चाहते कतरिना लग्नासाठी डान्सचा सराव करत असल्याचा अंदाज लावत आहेत. बरं, आता खरं काय, ती डान्स का करतेय हे फक्त कतरिनाच सांगू शकते.
कतरीनाचा व्हिडीओ सोशल मीडियावर व्हायरल
कतरिना काही लोकांसोबत डान्सचा सराव करत असल्याचे व्हिडिओमध्ये दिसत आहे. ती ब्लॅक आउटफिटमध्ये दिसत आहे. कतरिना कैफ प्रत्येक बीटमध्ये उत्कृष्ट डान्स स्टेप्स करताना दिसत आहे आणि तिची डान्सची आवड दिसून येत आहे. कतरिना कैफचा हा व्हिडिओ तिच्या चाहत्यांना खूप आवडला आहे. या व्हिडिओला आतापर्यंत 7 लाखांहून अधिक व्ह्यूज मिळाले आहेत. चाहते कतरिना कैफच्या डान्स स्टेप्स आणि तिच्या सौंदर्याचे कौतुक करत आहेत.
लग्नाच्या अगोदर भाड्याने घेतलं घर
एका रिपोर्टनुसार, विकी कौशल आणि कतरिना कैफने लग्नापूर्वी मुंबईतील जुहू येथे घर घेतले आहे. या घरासाठी विकी-कतरिनाने मोठी रक्कम मोजल्याच्या बातम्या येत आहेत. दोघांनी एक आलिशान अपार्टमेंट भाड्याने घेतले असून या अपार्टमेंट इमारतीत अनुष्का शर्मा आणि विराट कोहली देखील राहतात.
कामात दोघंही व्यस्त
वर्कफ्रंटबद्दल बोलायचे झाले तर कतरिना कैफ आणि विकी कौशल दोघेही खूप चांगले कलाकार आहेत. विकी कौशलचा नुकताच प्रदर्शित झालेला 'सरदार उधम' या चित्रपटाला उदंड प्रतिसाद मिळाला आहे. त्याचबरोबर कतरिना कैफचा 'सूर्यवंशी' चित्रपटही जबरदस्त कमाई करत आहे. या चित्रपटात त्याने अक्षय कुमार, अजय देवगण आणि रणवीर सिंगसोबत काम केले आहे.