Katy Perry and Guru Randhawa at Anant Radhika Pre-Wedding : गेल्या काही दिवसांपासून सगळीकडेच मुकेश अंबानी यांचा धाकटा मुलका अनंत अंबानी आणि राधिका मर्चेंटच्या दुसऱ्या प्री-वेडिंगची चर्चा आहे. काल रात्री त्यांच्या प्री-वेडिंगमध्ये गुरु रंधावा आणि कॅटी पेरीनं परफॉर्म केलं. त्या कार्यक्रमातील फोटो सध्या सोशल मीडियावर प्रचंड व्हायरल होत आहेत. 


COMMERCIAL BREAK
SCROLL TO CONTINUE READING

तीन दिवस सुरु असलेल्या या क्रुझ पार्टीचे अनेक फोटो आणि व्हिडीओ सोशल मीडियावर व्हायरल होत आहेत. काही सेलिब्रिटींनी त्यांच्या इन्स्टाग्राम स्टोरीच्या माध्यमातून काही झलक दाखवली. तर काही सेलिब्रिटींच्या फॅन पेजनं व्हिडीओ शेअर केले. त्यातील काही व्हिडीओत कॅटी पेरी ते गुरु रंधावा  यांच्या परफॉर्मन्स पाहायला मिळत आहे. 


एका व्हिडीओत गुरु रंधावा हा परफॉर्म करत आहे. तर त्यावेळी स्टेजवर त्याला परफॉर्म करताना पाहून रणवीर सिंगला राहिलं नाही आणि तो थेट स्टेजवर जाऊन डान्स करु लागला. यावेळी गुरु रंधावा हा स्टेजवर 'आज फिर किथे चली है मोरनी बनके' हे त्याचं लोकप्रिय गाणं गात होता. फक्त रणवीर नाही तर त्यासोबत वीर पहाडिया आणि ऑरी देखील डान्स करत होते. तर या व्हिडीओत रणवीर सिंग हा ऑरीला उचलून डान्स करताना दिसला. 



हेही वाचा : सारा नाही, 'या' अभिनेत्रीसोबत लग्न करतोय शुभमन गिल? अखेर तिनेच केला खुलासा


अनंत आणि राधिकाच्या प्री-वेडिंग विषयी बोलायचे झाले तर त्यांचं पहिलं प्री-वेडिंग हे गुजरातच्या जामनगरमध्ये झालं होतं. आता इटली ते फ्रान्स असा समुद्रातून एका लग्झरीयस क्रुझवर हे दुसरं प्री-वेडिंग करण्यात आलं आहे. हे दुसरं प्री-वेडिंग 29 मे ला सुरु झालं आणि 1 जून म्हणजे आज दुपारी संपणार आहे. या कार्यक्रमात लोकप्रिय सेलिब्रिटींनी हजेरी लावली आहे. सलमान खान, शाहरुख खानचं संपूर्ण कुटुंब ते रणवीर सिंग, रणबीर कपूर, आलिया भट्ट, सारा अलू खानपासून अनेक सेलिब्रिटी या पार्टीत शामिल झाले आहेत.