पहिल्यांदाच सर्वांसमोर माधुरीला तो म्हणाला, `पहला पहला प्यार है...`
बॉलिवूडची धक-धक गर्ल माधुरी दीक्षितचा एक नवीन व्हिडिओ समोर आला आहे
मुंबई : बॉलिवूडची धक-धक गर्ल माधुरी दीक्षितचा एक नवीन व्हिडिओ समोर आला आहे. जो चाहत्यांचे हार्टबिट्स पुन्हा एकदा वाढवत आहे. स्वत: माधुरी दीक्षितने अधिकृत इंस्टाग्रामवर तिचा नवीन व्हिडिओ शेअर केला आहे. ज्यामध्ये ती शेरशाह अभिनेता सिद्धार्थ मल्होत्रासोबत दिसत आहे. दोघांची ही केमिस्ट्री खूपच आकर्षक दिसत आहे.
माधुरी दीक्षित आणि सिद्धार्थ मल्होत्राचा हा क्यूट व्हिडिओ सोशल मीडियावर मोठ्या प्रमाणात व्हायरल होत आहे. कारण आहे दोघांची रोमँटिक केमिस्ट्री. माधुरी दीक्षितच्या रील व्हिडिओमध्ये सिद्धार्थ तिच्यासोबत रोमँटिक डान्स करताना दिसत आहे. आत्तापर्यंत लाखो यूजर्सनी या व्हिडिओवर लाईक्स आणि कमेंटचा वर्षाव केला आहे.
व्हिडिओमध्ये माधुरी घागरा आणि सिद्धार्थ काळ्या रंगाच्या पँट शर्टमध्ये दिसत आहेत. दोघंही सलमान खानच्या 'हम आपके है कौन' या चित्रपटातील 'पहला पहला प्यार है' या सुपरहिट गाण्यावर रोमँटिक डान्स करताना दिसत आहेत. या व्हिडिओमध्ये सहभागी झाल्याबद्दल माधुरीने सिद्धार्थचे आभारही मानले आहेत.
माधुरी दीक्षित आणि सलमान खानने 1994 मध्ये 'हम आपके है कौन' या चित्रपटातील या गाण्यातील डान्सने धमाल केली होती. या दोघांची जोडी प्रेक्षकांच्या पसंतीस उतरली आणि हा चित्रपट हिट ठरला. माधुरी दीक्षितच्या वर्कफ्रंटबद्दल बोलायचं झालं तर, ती अलीकडेच OTT वेब सीरिज द फेम गेममध्ये दिसली. ही सिरीज प्रेक्षकांच्या खूपच पसंतीस उतरली होती.