महेश मांजरेकर आणि रेणुका शहाणेची `या` चित्रपटासाठी पहिल्यांदाच येणार एकत्र!

Mahesh Manjrekar- Renuka Shahane : महेश मांजरेकर आणि रेणुका शहाणे अखेर या चित्रपटाच्या निमित्तानं शेअर करणार स्क्रिन

Mahesh Manjrekar- Renuka Shahane : मराठी चित्रपटसृष्टीतील दोन सर्वात प्रतिष्ठित कलाकार आपल्या सर्वांचे आवडते म्हणजेच महेश मांजरेकर आणि रेणुका शहाणे हे पहिल्यांदाच एकत्र येणार आहेत. जवळपास तीन दशकांच्या त्यांच्या या कारकिर्दीत ते पहिल्यांदाच एकत्र येणार आहे. तर ते दोघं 'देवमाणूस' या चित्रपटासाठी एकत्र येणार आहेत.  

अभिनेते महेश मांजरेकर त्यांच्या या 'देवमाणूस' या चित्रपटाविषयी बोलताना सांगितलं की “देवमाणूस सारख्या चित्रपटामध्ये रेणुकासोबत काम करणं हा माझासाठी एक खूप बहुप्रतिक्षित सर्जनशील प्रवास वाटतो. मी सध्या या नव्या ऑन-स्क्रीन भागीदारीबद्दल खूप जास्त उत्साहित आहे आणि आशा करतो की आपले प्रेक्षक सुद्धा आमच्या या नव्या जोडीसाठी असाच उत्साह दाखवतील."

तसंच अभिनेत्री रेणुका शहाणे म्हणाल्या, "देवमाणूसच्या निमित्तानं मी महेशसोबत जरी पहिल्यांदा काम करत असले तरी आम्ही एकमेकांना खूप वर्षांपासून ओळखतोय. त्यामुळे असं  वाटलंच नाही की आम्ही यापूर्वी एकत्र काम केल नाहीये. मला खात्री आहे 'देवमाणूस' बघून प्रेक्षकांना काहीतरी दमदार बघितल्याचं समाधान मिळेल. खूप वर्षांनी मला मराठी चित्रपटात काम करण्याची संधी मिळालीये, त्याचा विशेष आनंद होतोय."

बहुचर्चित तेजस प्रभा विजय देवस्कर हे या चित्रपटाचे दिग्दर्शन करत आहेत. ज्यांनी माधुरी दीक्षितचा बकेट लिस्ट, रकुल प्रीत सिंग सोबत छत्रीवाली यासारखे चित्रपट दिग्दर्शित केले आहेत. 'देवमाणूस' चित्रपटात दिग्गज कलाकार महेश मांजरेकर आणि रेणुका शहाणे एका वेगळ्याच भूमिकेत आपल्याला दिसणार आहेत जे प्रेक्षकांसाठी पूर्णपणे नवीन अनुभव असणार आहे. दोन्ही कलाकारांचे जबरदस्त अभिनय कौशल्य प्रदर्शित करण्याचे वचन हा आगामी मराठी चित्रपट देणार आहे. या अभिनेत्यांचे चाहते एका अविस्मरणीय अनुभवाची वाट पाहू शकतात. जिथे महेश मांजरेकर आणि रेणुका शहाणे यांची जोडी आणि त्यांची ऑन-स्क्रीन केमिस्ट्री हे मुख्य आकर्षण असेल त्यामुळे नक्कीच हा चित्रपट एक जबरदस्त मेजवानी ठरणार आहे.

हेही वाचा : 'ही पोरगी कोणाची?' अनुराग कश्यपच्या लेकीच्या लग्नात सर्वांच्या नजरा तिच्यावर

दरम्यान, या दोघांच्या कामाविषयी बोलायचे झाले तर जुनं फर्णिचर या चित्रपटात ते दिसले होते. या चित्रपटाचं त्यांनी फक्त दिग्दर्शन केलं नाही तर त्यासोबत त्यांनी या चित्रपटात अभिनय देखील केला आहे. रेणूका शहाणे विषयी बोलायचं झालं तर सगळ्यात शेवटी ती गोविंदा नाम तो सुना होगा या चित्रपटात दिसली होती.