प्रसाद ओकने दाखवली नवीन घराची पहिली झलक, पाहा VIDEO
Prasad Oak New Home : नवीन वर्ष प्रत्येकासाठी काही ना काही नवीन घेऊन आलंय. अगदी तसंच अभिनेता प्रसाद ओकने आनंदाची बातमी शेअर केली आहे. नव्या घराची पाहा पहिली झलक.
2024 हे वर्ष प्रत्येकासाठीच खास असणार आहे. नव्या वर्षात नव्याची कास धरत नवी सुरुवात करणे प्रत्येकाला हवेहवेसे असते. अशी सुरुवात आपला मराठमोळा अभिनेता प्रसाद ओकने केली आहे. प्रसाद ओकने आपल्या सोशल मीडिया अकाऊंटवर घराची पहिली झलक शेअर केली आहे. या व्हिडीओमध्ये संपूर्ण ओक कुटुंबिय दिसत असून घराचा बाहेरचा लूक दिसत आहे. प्रसाद ओकने दोन घर एकत्र घेतली असून ही झलक अतिशय खास आहे.
घराचा लूक
प्रसाद ओकने एक व्हिडीओ पोस्ट केलाय. यामध्ये त्याने अगदी लिफ्टपासूनचा एक व्हिडीओ तयार केलाय. यामध्ये प्रसादने एका मजल्यावरची दोन्ही घर घेतल्याचं दिसत आहे. घराला अतिशय पारंपरिक टच आहे. घराचा दरवाजा, खिडकी अतिशय पारंपरिक असा टच दिला आहे. एवढंच नव्हे तर खिडकी बाहेर कोने, दिवळी असा लूक दिला आहे. घराबाहेर अतिशय पारंपरिक लूक असून बाहेर बसायची देखील व्यवस्था केली आहे.
प्रसादच्या घराचा व्हिडीओ
कुटुंबासोबत शेअर केला फोटो
प्रसाद ओकने या व्हिडीओत कुटुंबाच्या सदस्यांना देखील दाखवलं आहे. सगळेजण अतिशय आनंदी आहेत. प्रसाद ओकने घराची पाटी देखील अतिशय हटके निवडली आहे. रस्त्यावर असलेल्या पिवळ्या सफेद रंगाच्या मैलाच्या दगडामध्ये घराचे फ्लॅट क्रमांक दिले आहेत. अतिशय हटके अशी ही इंटिरिअरची स्टाईल चाहत्यांना आवडली आहे.
धर्मवीर 2
मराठमोळा अभिनेता प्रसाद ओक सध्या त्याच्या 'धर्मवीर 2' सिनेमासाठी चर्चेत आहे. बाळासाहेब ठाकरे आणि आनंद दिघे यांच्या हिंदुत्वाची गोष्ट म्हणजे 'धर्मवीर 2'. धर्मवीर 2 सिनेमाचं दिग्दर्शन प्रविण तरडे करत आहे. हा सिनेमा लवकरच प्रेक्षकांच्या भेटीला येत आहे.