मुंबई : सोशल मीडियापासून फॅशन विश्व आणि कलाजगतामध्ये सध्या चर्चा सुरु आहे ते म्हणजे मेट गाला २०१९ची. सेलिब्रिटींच्या मांदियाळीत पार पडलेल्या या चौकटीबाहेरील कार्यक्रमात कलाकारांची अशी काही रुपं पाहायला मिळाली जी पाहता अनेकजण थक्कच झाले. Camp: Notes on Fashion या थीमअंतर्गत यंदाच्या 'मेट गाला'मध्ये अभिनेत्री प्रियांका चोप्राने तिच्या पतीसह हजेरी लावली. प्रियांका आणि निक रेड कार्पेटवर येताच त्यांच्या या लूकविषयी जाणून घेण्यातच साऱ्यांची उत्सुकता पाहायला मिळाली. फॅशन विश्वातून 'देसी गर्ल' प्रियांकावर या लूकसाठी कौतुकाचा वर्षाव केला. माध्यमांनीही तिच्या या लूकची प्रशंसा केली. सोशल मीडियावरही 'मेट गाला'चे पडसाद पाहायला मिळाले. 


COMMERCIAL BREAK
SCROLL TO CONTINUE READING

'मेट गाला'च्या रेड कार्पेटवर येणाऱ्या प्रियांका आणि निकने ठरलेल्या थीमनुसार त्यांची वेशभूषा केली होती. प्रियांकाने Dior Haute Coutureचा चंदेरी रंगाचा गाऊन घातला होता. प्रियांकाच्या लूकशी संबंधित काही धमाल मीम्स ट्विटर, इन्स्टाग्राम आणि फेसबुकवर पोस्ट करत या साऱ्या प्रसंगाला विनोदी वळण देण्याचा प्रयत्न केला. प्रियांकाची केशभूषा आणि त्यात असणारा मुकूट पाहता त्याचा उल्लेख एँटिना म्हणून करण्यात आला आहे. तर, एखाद्या व्यक्तीचा फेसबुकचा प्रोफाईल फोटो नेमका कसा असतो आणि त्याच व्यक्तीला आधार कार्डवर कशा प्रकारचा फोटो मिळतो, याविषयीचंही ट्विट करण्यात आलं आहे.