नागराजच्या पावसाचा निबंध सिनेमाचं टीझर रिलीज

मुंबई : सैराट चित्रपटाचा दिग्दर्शक नागराज मंजुळे याच्या पावसाचा निबंध या चित्रपटाचं टीझर प्रकाशित झालं आहे. यूट्यूबवरील आटपाट प्रॉडक्शनच्या चॅनेलवर हे टीझर प्रकाशित झालं आहे. नागराजच्या या पावसाचा निबंध याविषयी एवढी चर्चा नव्हती. पण सैराटचं यश पाहिलं तर नागराजचा आगामी सिनेमा कसा असेल याकडे लक्ष लागून आहे. अर्थातच हा सिनेमा किती व्यावसायिक असेल, यावर अजून प्रश्नचिन्ह आहे, किंवा उत्सुकता. 

नागराज मंजुळे याच्या झुंड चित्रपटाचं शुटिंग पुण्यातील सावित्रीबाई फुले पुणे विद्यापीठात सुरू होतं, पण वेळ संपूनही सेट तसाच उभा असल्याने त्याला सेट काढण्यास सांगितला होता, त्यावेळी सैराटनंतर नागराज चर्चेत आला होता, आता तो पुन्हा पावसाचा निबंध या चित्रपटामुळे प्रकाश झोतात येईल का ते आगामी चित्रपटावर अवलंबून असणार आहे.