मोदींची भूमिका करणार परेश रावल

मुंबई : पंतप्रधान नरेंद्र मोदींच्या बायोपिकमध्ये परेश रावल मुख्य भूमिकेमध्ये असणार आहेत. खुद्द परेश रावल यांनीच ही माहिती दिली आहे. या चित्रपटामध्ये मोदींची भूमिका परेश रावल करणार का अक्षय कुमार याबाबत संभ्रम तयार झाला होता पण आता परेश रावलच ही भूमिका करणार यावर शिक्कामोर्तब झालं आहे.

या चित्रपटाची ७० टक्के स्क्रीप्ट लिहून तयार आहे, पण चित्रपटाचा शेवट कसा करायचा हे अजून ठरलेलं नाही. मोदींनी आत्तापर्यंत काय काय केलं आहे ते सगळ्यांना माहिती आहे पण पुढे काय होणार आहे हे कोणालाच माहिती नाही. त्यामुळे शेवट काय करायचा हा प्रश्नच आहे, असं परेश रावल म्हणालेत. परेश रावल स्वत: या चित्रपटाचे निर्माते असणार आहेत.