Pawandeep Rajan आणि Arunita Kanjilal ला कुटुंबियांकडून कठोर सूचना !

मुंबई : इंडियन आयडल 12 चे सर्वात आवडते स्पर्धक पवनदीप राजन आणि अरुणिता कांजीलाल पुन्हा त्यांच्या चाहत्यांचे हृदय जिंकण्यासाठी सज्ज झाले आहेत. पवनदीप आणि आशिष कुलकर्णी यांनी संगीतबद्ध केलेल्या 'मंजूर दिल' या नवीन लव्ह ट्रॅकने हे दोघे पुनरागमन करत आहेत. अराफत महमूदने गाण्याचे बोल लिहिले आहेत आणि हे गाणे 23 ऑक्टोबर रोजी रिलीज होईल. दरम्यान, पवनदीप आणि अरुणिता यांना त्यांच्या कुटुंबीयांकडून कडक सूचना देण्यात आल्या आहेत.

बॉलिवूड लाईफच्या अहवालानुसार, अलीकडेच, पवनदीप आणि अरुणिता यांना त्यांच्या कुटुंबाकडून त्यांच्या गायनावर लक्ष केंद्रित करण्याच्या आणि त्यांच्या वैयक्तिक आयुष्याला प्रोत्साहन न देण्याच्या कठोर सूचना देण्यात आल्या आहेत.

खरं तर, इंडियन आयडल 12 या रिअ‍ॅलिटी शोमध्ये, निर्मात्यांनी पवनदीप आणि अरुणिता यांची केमिस्ट्री दाखवण्याचा प्रयत्न केला आणि चाहत्यांनी या जोडीला #अरुडदीप असे नाव दिले. तथापि, शोमध्येच, दोघांनी कबूल केले होते की ते फक्त चांगले मित्र आहेत. तरीही या जोडीच्या लव्ह अफेअरबद्दल बोललं जात आहे.

इंडियन आयडल 12 चा विजेता पवनदीप राजन आणि स्पर्धक अरुणिता कांजीलाल यांच्या जोडीला प्रेक्षकांकडून प्रचंड प्रेम मिळाले. या शोनंतरही दोघांची जोडी प्रसिद्धीच्या झोतात आहे. दोघेही एकामागून एक म्युझिक व्हिडीओमध्ये घेऊन येत आहेत. आता एक व्हिडिओ सोशल मीडियावर मोठ्या प्रमाणात व्हायरल होत आहे. हा व्हिडिओ पाहिल्यानंतर चाहते खूप आनंदी दिसत आहेत.