प्रियंका चोप्राने पुन्हा एकदा दाखवली बोल्ड स्टाईल, निक जोनासला किस करताना दिसली अभिनेत्री

मुंबई : सुंदर आणि टॅलेंटेड अभिनेत्री प्रियांका चोप्रा तिचा पती आणि हॉलिवूड अभिनेता, गायक निक जोनाससोबत सुट्टीवर गेली आहे. ज्याचे काही फोटो तिने चाहत्यांसोबत शेअर केले आहेत. दोघंही चाहत्यांची आवडती जोडी आहेत. प्रियांका आणि निक एकमेकांवर प्रेमाचा वर्षाव करण्याची एकही संधी सोडत नाहीत. दोघांची केमिस्ट्री त्यांच्या चाहत्यांना खूप आवडते. अभिनेत्री पुन्हा एकदा तिच्या पतीवर प्रेमाचा वर्षाव करताना दिसत आहे.

हे कपल पोहोचलं वेकेशनला आइसलँडला 
प्रियांका चोप्रा जोनास सोशल मीडियावर खूप सक्रिय असते. ती तिचे प्रत्येक अपडेट तिच्या चाहत्यांसोबत शेअर करत असते. त्याचबरोबर ती कोणत्याही मुद्द्यावर आपलं मत मोकळेपणाने व्यक्त करते. अलीकडेच तिने तिच्या इंस्टाग्रामवर स्वतःचे आणि निकचे काही सुंदर फोटो शेअर केले आहेत. जिथे ती आपल्या नवऱ्यावर प्रेमाचा वर्षाव करताना दिसत आहे.

पहिल्या फोटोमध्ये प्रियांका निकला किस करताना दिसत आहे. तर दुसऱ्या फोटोत दोघंही जहाजावर दिसत आहेत. अभिनेत्रीने तिचा मोनोकिनीमधला बोल्ड फोटोही शेअर केला आहे. तर देसी गर्ल पोहण्याचा त्याचबरोबर नारळ पाण्याचा आनंद घेतानाही दिसत आहे. तिने तिच्या फोटोंच्या कॅप्शनमध्ये स्वतःला आईसलँडची मुलगी असल्याचं सांगितलं आहे.