Pushpa Trailer 2 Peoples Reaction : 'पुष्पा 2 द रूल' च्या ट्रेलरची सगळीकडे चर्चा सुरु आहे आणि त्यावरून लोक खूप चर्चा करत आहेत. पहिल्या भागात ते दोघं एकमेकांच्या प्रेमात आणि लग्नाच्या तयारीत असल्याचं दिसत होतं. तर आता त्या दोघांचं लग्न झाल्याचं पाहायला मिळणार आहे. काल या चित्रपटाचा ट्रेलर प्रदर्शित झाल्यानंतर सोशल मीडियावर याचीच चर्चा सुरु असून आता त्यावर नेटकऱ्यांनी प्रतिक्रिया दिली आहे. काही नेटकऱ्यांनी तर 'पुष्पा 2 द रूल' आणि 'अ‍ॅनिमल' या चित्रपटाची तुलना केली आहे.


COMMERCIAL BREAK
SCROLL TO CONTINUE READING

एका नेटकऱ्यानं 'पुष्पा 2 द रूल' आणि 'अ‍ॅनिमल' या दोन्ही चित्रपटातील एक-एक सीन शेअर केला आहे. एकीकडे 'अ‍ॅनिमल' मधील तो सीन आहे ज्यात रणबीर कपूर हा रणविजयच्या भूमिकेत आहे आणि तो त्याचे वडील बलबीर सिंग यांच्याविरोधात रश्मिकाचं असलेलं मत ऐकताच तिला धमकी देतो. तर दुसरीकडे 'पुष्पा 2 द रूल' च्या ट्रेलरमध्ये दाखवण्यात आलेला अल्लू अर्जुनची सिग्नेचर स्टेप तो रश्मिकाच्या पायानं करतोय. तर ट्रेलरमध्ये या सीनच्यावेळी अल्लू अर्जुनचा डायलॉग आहे की 'श्रीवल्ली माझी बायको आहे. मी सगळ्या जगाला दाखवून देईन की जेव्हा एक नवरा त्याच्या पत्नीचं ऐकतो तेव्हा काय होतं.' 



तर ही पोस्ट शेअर करत एक नेटकरी म्हणाला, 'अगदी जशा सगळ्या गोष्टी या संतुलित हव्या असतात तशा आहेत.' दुसरा नेटकरी म्हणाला, 'बिचारीला साधारण नवरा का मिळत नाही?' तिसरा नेटकरी म्हणाला, 'पुष्पा हे नाव नाही ब्रॅंड आहे. ट्रेलर पाहून अंगावर शहारे आले. 5 डिसेंबरची आता प्रतीक्षा करु शकत नाही.' आणखी एक नेटकरी म्हणाला, 'मॅडनेस पूर्ण मजेशीर ट्रेलर आहे.' 



हेही वाचा : पुष्पा फ्लॉवर नाही तर वाईल्डफायर; 'पुष्पा 2' चा धमाकेदार ट्रेलर अखेर रिलीज



दरम्यान, या चित्रपटात देखील फहाद फासिल हा पहिल्या भागा प्रमाणे खलनायकाच्या भूमिकेत दिसला. फहादची भूमिका पहिल्या भागात खूप कमी काळासाठी दाखवण्यात आली होती. श्रीलीला या पार्टमध्ये अल्लूसोबत एक डान्स करताना दिसली. पहिल्या भागात समांथा रुथ प्रभूनं 'ऊ अंटावा' वर डान्स केला होता. तर आता या भागात आयटम सॉन्ग असून त्यात समांथा नाही तर श्रीलीला दिसणार आहे. तर हा चित्रपट 5 डिसेंबर रोजी प्रदर्शित होणार आहे.