राकेश बापट बनला `शमिताचा गुलाम`, Ex-Wifeला आला राग?

मुंबई : 'बिग बॉस ओटीटी' आता अंतिम टप्प्यात पोहोचला आहे. आता या शोमध्ये फक्त 6 खेळाडू शिल्लक आहेत. त्याचबरोबर हा शो आता खूपच इंटरेस्टींग झाला आहे, पण जेव्हा गेमचा विचार केला जातो, तेव्हा सध्या 'बिग बॉस ओटीटी'च्या घरात युद्ध सुरू आहे. तर त्याच वेळी, सोशल मीडियावर देखील चाहत्यांमध्ये त्यांच्या आवडत्या स्पर्धकांबद्दल सतत चर्चा सुरू असते. केवळ चाहतेच नाही तर आता स्टार्स देखील एकमेकांशी बोलण्यास मागे हटत नाहीत.

दरम्यान, सोशल मीडियावर राकेश बापटची एक्स वाईफ रिद्धी डोगरा आणि कॉमेडी किंग कृष्णाची पत्नी कश्मीरा शहा यांच्यात युद्ध सुरू झाले आहे. रिद्धी डोगरा यांनी कश्मीरा शाहला राकेशला जोरूचा गुलाम म्हटल्याबद्दल फटकारले आहे. काश्मिरा शाह यांनी 'संडे का वार' भागातील एका टास्कचा फोटो शेअर केला. या चित्रात राकेश बापट शमिता शेट्टी आणि दिव्यासोबत होते. हे फोटो शेअर करताना कश्मिरा शाहने कॅप्शनमध्ये लिहिले, 'राकेश, अभिनंदन, तू पुन्हा एकदा जोरुचा गुलाम बनण्याच्या मार्गावर आहेस.'

यावर रिद्धी डोगराने कश्मीरा शाहला उत्तर देऊन तिला फटकारले आहे. रिद्धी डोगराने लिहिले आहे की, 'पुन्हा? मला माफ करा. कृपया मोकळेपणाने कमेंट करू नका, शांततेत रहा. संडे का वार भागात एक विशेष कार्य होते.

रश्मी देसाई आणि देवोलीना यात पाहुणे म्हणून आल्या होत्या. दोघांनी राकेशला काही प्रश्न विचारले होते.प्रतिसादात त्याला दिव्या किंवा शमिता या दोघांचे नाव घ्यावे लागले आणि त्याचे तोंड पाण्यात बुडवावे लागले. या टास्कमध्ये राकेशने सर्व प्रश्नांमध्ये दिव्याचे नाव घेतले जेणेकरून शमिताशी त्याचे संबंध ठीक होतील आणि तिला राग येणार नाही.