`रात्रीस खेळ चाले 2` फेम शेवंता आता रंगभूमी गाजवणार

एका नव्या रुपात

मुंबई : झी मराठीवरील (Zee Marathi) लोकप्रिय मालिका रात्रीस खेळ चाले. (Ratris Khel Chale) प्रेक्षकांच्या लोकाग्रहास्तव या मालिकेचा दुसरा भाग आहे. पण हा सिक्वल नसून प्रिक्वल तयार करण्यात आला. या मालिकेतील लोकप्रिय पात्र म्हणजे शेवंता. शेवंताने फक्त मोठ्यांचीच नाही तर लहानांची देखील मने जिंकली आहेत. 

या शेवतांने छोट्या पडद्यावर प्रेक्षकांच मन जिंकल्यानंतर आता रंगभूमी गाजवण्यासाठी सज्ज झाली आहे. शेवंता म्हणजे अभिनेत्री अपूर्वा नेमळेकर (Apurva Nemlekar) लवकरच एका नव्या भूमिकेत प्रेक्षकांच्या भेटीला येणार आहे. पण आता शेवंता स्क्रीनवर नाही तर रंगमंचावर दिसणार आहे. 

'इब्लिस' हे मराठी नाटक घेऊन अपूर्वा येत आहे. या नाटकाचं पोस्टर नुकतंच लाँच करण्यात आलं आहे. मात्र या नाटकाच्या कथानकाबद्दल काहीच माहिती शेअर करण्यात आलेली नाही. या नाटकांत अपूर्वा 'जुई' हे पात्र साकारत आहे. 'इब्लिस' असा या नाटकाची टॅगलाईन 'शैतान हाजिर' अशी असून अभिनेता वैभव मांगले प्रमुख भूमिकेत या नाटकात आहे. तर अभिनेता राहुल मेहेंदळे आणि सुनील देव देखील या नाटकात महत्वाच्या भूमिकेत असणार आहेत.