SANJU : बायोपिकमध्ये रणबीरच्या अभिनयाने सलमान नाखुश

सलमानला ही गोष्ट खटकली

मुंबई : बॉलिवूड अभिनेता सलमान खान आणि संजय दत्त खूप चांगले मित्र आहेत. इंडस्ट्रीमध्ये यांच्या मैत्रीची भरपूर चर्चा होते. एकमेकांच्या कामाबद्दल भरभरून कौतुक करणारे हे दोघं एकमेकांचे टीकाकार देखील आहेत. संजय दत्तवर आधारित बायोपिक 'संजू' ही लवकरच प्रेक्षकांच्या भेटीला येत आहे. यामध्ये रणबीर कपूरने संजय दत्तची भूमिका साकारली आहे. काहीच दिवसांपूर्वी या सिनेमाचा ट्रेलर रिलीज झाला. हा ट्रेलर दबंग सलमान खानला मात्र काही रूचला नाही. त्याने या ट्रेलरवर आणि रणबीर टीका केली आहे. 

सलमान खानच्या म्हणण्यानुसार, संजू या सिनेमांत शेवटची भूमिका स्वतः संजय दत्त यांनी साकारली पाहिजे होती. दिग्दर्शख राजकुमार हिरानी यांनी सांगितले की, सलमान असं म्हणाला की, मला कळत नाही संजूमध्ये संजय दत्तची भूमिका इतर व्यक्ती का साकारत आहे. संजू सिनेमातील शेवटचा भाग हा स्वतः संजय दत्तने करायला हवा. पुढे सलमान खान म्हणाला मी ट्रेलर पाहिला राजू हिरानी हा खूप सेंसिबल फिल्ममेकर आहे यामुळेच त्याने या विषयावर सिनेमा तयार केला आहे. 

सलमान खान आपला आगामी सिनेमा रेस 3 मध्ये दिसणार आहे. आता तो प्रमोशनमध्ये व्यस्त आहे. या सिनेमाचं दिग्दर्शन रेमो डिसोझाने केलं असून सलमानसोबत जॅकलीन फर्नांडीज, डेजी शाह, साकिब सलीम, बॉबी देओ आणि अनिल कपूर असे दिग्गज लोकं आहे