अभिनेत्री सारा अली खानला करायचंय मामासोबत लग्न? ऐकून अशी होती सैफ अली खानची रिएक्शन

मुंबई : बॉलीवूड अभिनेत्री सारा अली खान नेहमीच कोणत्या ना कोणत्या कारणाने चर्चेत असते. मात्र तिने तिचे वडील सैफ अली खानसमोर तिच्या मामासोबत लग्न करायचं असल्याची चर्चा केल्याने ती चर्चेत आली होती. साराचा मामा कोण आहेत आणि सैफ अली खानच्या मुलीच्या या वक्तव्यावर काय प्रतिक्रिया दिली होती ते आता आम्ही तुम्हाला सांगणार आहोत.

कॉफी विथ करणचा किस्सा
हा किस्सा बॉलीवूड चित्रपट निर्माता करण जोहरच्या लोकप्रिय शो 'कॉफी विथ करण' च्या जुन्या सीझनचा आहे. जिथे सारा अली खान तिचे वडील सैफ अली खानसोबत आली होती. यादरम्यान करण जोहरने साराला त्याच्या लग्नाबद्दल विचारलं. यावर प्रतिक्रिया देत अभिनेत्री म्हणाली की, तिला रणबीर कपूरसोबत लग्न करायचं आहे. साराचे हे उत्तर ऐकून सैफ अली खानलाही धक्का बसला.

एवढंच नाही तर रणबीर कपूर व्यतिरिक्त तिने कार्तिक आर्यनलाही तिला डेट करायचं असल्याचंही ती म्हणाली. यावर सैफ अली खान हसला आणि म्हणाला की जर कार्तिककडे बँक बॅलन्स असेल तर तु त्याच्यासोबत डेटवर जाऊ शकतेस. सैफचे हे उत्तर ऐकून साराही हसू लागली.

रणबीर हा साराचा मामा आहे
सारा अली खान ही सैफ अली खानची पहिली पत्नी अमृता सिंगची मुलगी आहे. त्याचबरोबर सैफने करीना कपूरसोबत दुसरं लग्न केलं आहे, जी रिलेशनशिपमध्ये रणबीर कपूरची चुलत बहीण आहे. त्यामुळे नात्याने रणबीर कपूर सारा अली खानचा मामा लागतो.