मुलगा आर्यन खानला असं पाहून आई गौरी खानचे अश्रू अनावर, व्हिडिओ समोर

मुंबई : शाहारुख खान आणि गौरी खान यांचा मुलगा आर्यन खान गेल्या काही दिवसांपासून एनसीबीच्या ताब्यात आहे. ड्रग्ज प्रकरणात छापेमारी दरम्यान त्याला एनसीबीने ताब्यात घेतलं. तेव्हापासून गौरी खान तिच्या मुलाला जामीन मिळावा यासाठी सातत्याने प्रयत्न करत आहे. आज गौरी खानचा वाढदिवस आहे. यानिमित्ताने तिचा एक न पाहिलेला व्हिडिओ व्हायरल होत आहे. ज्यात ती खूप रडताना दिसत आहे.

मुलाची अवस्था पाहून अश्रू अनावर
आज आर्यन खानच्या जामिनाचा निर्णय येणार आहे. त्याचा जामीन अर्ज आदल्या दिवशीही फेटाळण्यात आला. काल संध्याकाळचा एक व्हिडिओ फेसबुकवर समोर आला आहे. ज्यामध्ये आर्यन एनसीबी कोर्टातून बाहेर जाताना दिसू शकतो. समोर एक कार उभी आहे. ज्याच्या आत गौरी खान रडताना दिसत आहे. ती हाताने डोळे लपवताना दिसतेय आणि ढसाढसा रडतानाही दिसतेय.

गौरीचं रडणं थांबत नाही
हा व्हिडिओ बॉलिवूड पापाराझीच्या एका पेजने त्यांच्या फेसबुक पेजवर शेअर केला आहे. व्हिडिओमध्ये गौरी पांढऱ्या शर्ट आणि निळ्या जीन्समध्ये दिसत आहे. ती कारमध्ये दोन्ही पाय सीटवर ठेवून बसली आहे. डोकं गुडघ्यावर ठेवून. त्याचा ड्रायव्हर पुन्हा पुन्हा तिच्याकडे बघत आहे. थोड्या वेळाने एक महिला गौरीच्या गाडीत बसली आणि गाडी तिथून निघून गेली.

व्हिडिओ पाहिल्यानंतर सोशल मीडिया युजर्स खूप भावनिक होत आहेत. आज गौरीचा वाढदिवस आहे, पण तिचा मुलगा तिच्यापासून एनसीबीच्या ताब्यात आहे. अशा परिस्थितीत गौरीला प्रोत्साहन देणाऱ्या कमेंट व्हिडिओवर येत आहेत. त्याचबरोबर गौरीच्या संगोपनावर प्रश्न विचारणाऱ्यांचीही कमतरता नाही.