शाहरुख-रणबीरचा मजेशीर पोल डान्स व्हायरल

इंटरनेटवर शाहरुख-रणबीरचा मजेशीर व्हिडिओ व्हायरल

मुंबई : बॉलिवूड किंग खान आणि रणबीर कपूर या दोघांचा अवॉर्ड शोमधील एक व्हिडिओ समोर आला आहे. शाहरुख-रणबीरचा हा मजेशीर व्हिडिओ इंटरनेटवर चांगलाच व्हायरल झाला आहे. या व्हिडिओमध्ये शाहरुख-रणबीर महिलांच्या ड्रेसमध्ये पोल डान्स करताना दिसतात.

शाहरुख-रणबीरचा पोल डान्स इतका मजेशीर आहे की बॉलिवूड कलाकारही याचा आनंद घेत खळखळून हसताना पाहायला मिळतात. स्टेजवर दोघेही कतरिना कैफच्या 'टच मी' या गाण्यावर जबरदस्त अंदाजात, डान्स करतायेत. प्रेक्षकांमध्ये बसलेल्या रेखा, प्रियंका चोप्रा, रवीना टंडन, करिना कपूर दोघांच्या या अदांवर हसताना दिसतात. 

या दोघांचा हा जुना व्हिडिओ व्हायरल होत आहे. फिल्मफेयर अवॉर्डमधील शाहरुख-रणबीरचा हा मजेशीर अंदाज या व्हायरल व्हिडिओच्या निमित्ताने पुन्हा एकदा चाहत्यांना पाहायला मिळतोय.