TEASER : सोनाली - सचिनही ठरलेत या खेळात `कच्चा लिंबू`

मुंबई : 'साध्या माणसांची स्पेशल गोष्ट' या टॅग लाईनमुळे उत्सुकतेचा विषय झालेल्या 'कच्चा लिंबू' या चित्रपटाचा टीजर प्रदर्शित झालाय. 

आपण सगळेच सुखाच्या शोधात असतो. साध्या सरळ अपेक्षा असतात आयुष्याकडून, पण कधी कधी वरच्याच्या मनात आपल्यासाठी काही वेगळेच प्लॅन असतात आणि मग अचानक हे साधं, सरळ वाटणारे आयुष्य स्पेशल होऊन जाते. या अनपेक्षितपणे आलेल्या वळणाला हसतमुखाने सामोरे जाणे म्हणजेच आयुष्य जगणं असतं. असंच साधं सरळ पण तितकंच 'स्पेशल' असणारं काटदरे कुटुंब आपल्याला प्रसाद ओक दिग्दर्शित 'कच्चा लिंबू'च्या टीजरमध्ये दिसतंय.

रवी जाधव, सोनाली कुलकर्णी, मनमीत पेम, सचिन खेडेकर, अनंत महादेवन हे कलाकार या सिनेमातून प्रेक्षकांच्या भेटीला येणार आहेत. 

विशेष म्हणजे, या चित्रपटाच्या निमित्तानं प्रसाद ओक दिग्दर्शकाच्या तर रवी जाधव प्रमुख कलाकाराच्या भूमिकेत दिसणारक आहेत. हा सिनेमा येत्या ११ ऑगस्ट रोजी प्रदर्शित होतोय.